Va le Filipi 2:3 - Tshwa Bible

³ mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5

Va le Filipi 2:3 Referans Kwoze

Va le Roma 12:10

Ranzanani hi liranzo la wumakabye; loyi ni loyi a dzunza munwani ku hunza wutsumbu.

Va le Galatia 5:26

Ngha hi nga dzuki hi ti lavela a wudzunzo ga hava, hi vukana, ni ku navela za munwe ni munwani.

Va le Efesusi 5:21

Ti koramiseni munwe ka munwani hi ku mu chava Kristu. Fil. 2:3

Va le Efesusi 4:2

muva ni kutikoramisa kontlhe, ni lihlaza-mbilu, mu timiselana hi liranzo, Gal. 5:22

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Va le Filipi 2:14

Mahani zontlhe hi ku nga kalali ni kukanetisana;

Va le Galatia 5:15

Kanilezi loku mu lumana ni ku khadamulana, tlharihani mu nga hetana ha nwece.

1 Timote 6:4

yena i kukumukile na a nga tivi nchumu, i na ni wubabyi ga ku wutisa ziwutiso ni ku kanetisana hi timhaka, laha ku humako kona a makangwa, ni kuholova, ni tihlamba, ni kualakanyela kubiha, 1 Kor. 8:2

Luka 18:14

Nziku ka nwina: Loyi munhu i lo tlhelela kaya na a hlayiwa loyi a lulamileko ku hunza loyi munwani; hakuva ni wihi a ti kulisako i ta koramiswa; kanilezi loyi a ti koramisako i ta kuliswa. Joba 22:29; Mat. 23:12; Jak. 4:6

Mavingu 13:10

A matshanza ma vanga kuhambana; anilezi lava va vumelako ku hiwa wusungukati va na ni wutlhari.

Va le Kolosi 3:8

Kanilezi makunu tsikani zontlhe lezi: a zanga, ni khulo; ni mona, ni kulumbeta, ni kuwulawula ko nyenyeza. Jak. 1:21

2 Va le Korinte 12:20

Hakuva nza chava lezaku, loku nzita nzi ta ta mu kuma na mu nga hi lezi nzi zi ranzako, na nwinawu mu nzi kuma na nzi hi lezi mu nga zi ranziko; ni lezaku ku nga dzuka kuva kona kuholova, ni xiluse, ni zanga, ni kuhambana, ni mahlevo, ni kulumbetana, ni kutikukumukisa, ni mazolonga. 1 Kor. 4:21

1 Va le Korinte 3:3

hakuva ma ha hi va nyama. Kota lezi ku nga kona a wukhuxu ni kuhambana xikari ka nwina, a mu va nyama ke, a mu na mahanyela ya vanhu ke?

1 Va le Korinte 15:9

Hakuva mina nzi loyi wa tsongwani xikari ka vapostoli, a nzi faneli ku vitanwa aku nzi mupostoli, hakuva nzi lo xanisa a bandla ga Nungungulu. Miti. 8:3

Va le Roma 13:13

A hi fambeni hi fanelo, khwatsi hi laha hlikanhini; na ku nga hi wudakwa ni kupopiwa, ni wuoswi, ni manyala, ni kuholovisana, ni wukhuxu. Fil. 4:8; Jak. 3:14

Va le Roma 2:8

Kanilezi lava va kanetako va nga ingisi zinene, va ingisa kungalulami, va ta welwa hi zanga ni khulo. Isa. 3:11; 2 Tes. 2:12

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

1 Pedro 3:8

Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Rom. 12:10; Fil. 3:16; Kol. 3:12