Valamuli 2:20 - Tshwa Bible

²⁰ Hilezo Jehova i lo zangarela va ka Israeli, aku: Lezi vanhu lava va hambunyetako a Xivumelwano lexi nzi xi maheleko vararu vabye, va nga ingisi a gezu ga mina,

Valamuli 2:20 Referans Kwoze

Valamuli 2:14

A zanga ya Jehova yi lo vindlukela Israeli, a va nyikela canjeni ga vaphangi, lava va nga va phanga, a va nyikela mandleni ya valala vabye lava va va ranzeleko, laha kaku va tsanzeka ku yima mahlweni ka valala vabye. Tis. 44:12; Isa. 50:1

Joxua 23:16

Loku mu hambunyeta xivumelwano lexi Jehova Nungungulu wa nwina a mu leleteleko xona, mu ya khozela vanwani vanungungulu, mu khizama mahlweni ka vona, a zanga ya Jehova yi ta mu vukela, na nwina mu ta hatlisa mufa lomu ka tiko legi go saseka, legi a mu nyikileko gona. Levi 26:14; Deut. 4:25

Ezekieli 20:37

Nzi ta mu maha mu hunza hi lahasi ka nhonga, nzi mu tisa xibohweni xa xivumelwano. Levi 27:32

Jeremia 31:32

Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; A xivumelwano lexi va nga xi tshova, Kasi lezo nzi wa hi nwinyi wabye, ku wula Jehova.

Valamuli 10:7

A zanga ya Jehova yi lo vindlukela va ka Israeli, a va nyikela mandleni ya vaFilistia ni ya vanana va ka Amoni.

Valamuli 3:8

Makunu a zanga ya Jehova yi vindlukela va ka Israeli, a va nyikela canjeni ga Kuxani-Rixataime, a hosi ya le Mesopotamia. A vanana va ka Israeli va lo fumelwa 8 wa malembe hi Kuxani-Rixataime.

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

Valamuli 2:19

Kanilezi loku a mulamuli loye afa, va wo engeta kambe va ti nyenyezisa ku hunza vararu vabye, hi ku lanzela vanungungulu vanwani ni ku va khozela va va khizamela. A va tsikangi ni xinwe xa zimaho zabye, ge hambu xikanikani xabye.

Tisimu 78:10

A va hlayisangi a xivumelwano xa Nungungulu, Va lo ala ku famba hi nawo wakwe.

Mitsengo 32:13

Zinghaho a zanga ya Jehova yi lo vindlukela a va ka Israeli, a va tlhelisa vaya nzulanzula lomu xiwuleni 40 wa malembe, kala ku mbhela xontlhe lexo xizukulwana xi mahileko kubiha mahlweni ka Jehova.

2 Samueli 24:1

A zanga ya Jehova yi lo engeta yi vukela va ka Israeli; i lo kucetela Davida a ku va vukela, aku: Famba u ya hlaya va ka Israeli ni va ka Juda.

Tisimu 106:40

A zanga ya Jehova yi lo vukela tiko gakwe, Laha kaku a swireka hi tshomba yakwe.