Valamuli 2:14 - Tshwa Bible

¹⁴ A zanga ya Jehova yi lo vindlukela Israeli, a va nyikela canjeni ga vaphangi, lava va nga va phanga, a va nyikela mandleni ya valala vabye lava va va ranzeleko, laha kaku va tsanzeka ku yima mahlweni ka valala vabye. Tis. 44:12; Isa. 50:1

Valamuli 2:14 Referans Kwoze

2 Tihosi 17:20

Zinghaho Jehova i lo cukumeta pswalo wontihe wa ka Israeli, a va hlokisa, a va nyikela mandleni ya vaphangi, kala a va susa mahlweni kakwe. Vala. 2:14

Deuteronome 32:30

Xana munhu a nga hlongolisa kuyini a 1,000 wa vanhu ke? A vanhu vambiri va nga hlongola 10,000 wa vanhu ke? Loku a Ribye gabye gi nga va xavisangi, Ni loku Jehova a nga va nyikelangi ke?

Valamuli 10:7

A zanga ya Jehova yi lo vindlukela va ka Israeli, a va nyikela mandleni ya vaFilistia ni ya vanana va ka Amoni.

Valamuli 4:2

Jehova i lo va nyikela mandleni ya Jabina a hosi ya le Kanani, loyi a nga wa fumile le Hazora, a nduna ya yimpi yakwe a nga wa hi Sisera, loyi a nga wa akile le Haroxete wa vamatiko. Jox. 11:10; 1 Sam. 12:9

Levi 26:37

Va ta philinganyetana a munwe a wela hehla ka munwani, khwatsi hi loku va dawa hi matlhari, kanilezi na va nga hlaselwi hi munhu; cima mu nga ta yima mahlweni ka valala va nwina.

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Jeremia 37:10

Hakuva hambu loku mu wa lo hihirita a yimpi yontlhe ya maKaldea lawa ma mu vukelako, na ku sele ntsena vo bayisiwa, a munwe ni munwani wabye i wa ta huma hi lomu tendeni gakwe, a ta hisa lowu muti hi nzilo.

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Tisimu 44:12

U xavisa a vanhu va wena hi nyalidede, A ku anzisangi a kufuma ka wena hi tsengo wabye. Deut. 32:30; Vala. 2:14; Ezek. 30:12

2 Kronekele 15:5

Zikhatini lezo ku wa nga hi na kurula ka vafambi, ge hambu ni ka lava va nga wa hi makaya, hakuva a zixaniso zi wa tele xikari ka vontlhe vanhu va matiko. Vala. 5:6

Valamuli 1:34

A vaAmori va lo kunya a vanana va ka Dani kala va chikela le tikweni ga xitsunga, hakuva va wa nga va vumeli kuta leno nzhelelweni.

Valamuli 1:19

Jehova i wa hi zinwe na Juda; i lo hlongola vaaki va lomu zitsungeni, kanilezi i lo tsanzeka ku hlongola vaaki va lomu mikoveni, hakuva va wa hi ni tikareta ta ziketse.

Deuteronome 28:58

Loku u nga cheli kota ku lanzela timhaka tontlhe ta nayo lowu, leti ti tsalilweko ka bhuku legi, ni ku chava a vito legi ga hombe gi chavekako ga Jehova Nungungulu wa wena,

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9

Deuteronome 28:20

Jehova i ta rumela makhombo ni kuxaniseka ni kulahlekelwa ka yontlhe mitiro leyi u ta nga sangula hi canja ga wena, ni leyi u ta nga yi tira, kala u mbhetiswa, u loviswa hi kuhatlisa, hi kota ya mitiro ya wena ya kubiha leyi u nzi fulareleko ha yona.

Mitsengo 32:14

Makunu nwinawu mu lava ku teka xikhundla xa vararu va nwina, mu maha xizukulwana xa vaonhi, mu anzisa a zanga ya Jehova xikari ka va ka Israeli.

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Valamuli 2:20

Hilezo Jehova i lo zangarela va ka Israeli, aku: Lezi vanhu lava va hambunyetako a Xivumelwano lexi nzi xi maheleko vararu vabye, va nga ingisi a gezu ga mina,

Valamuli 3:12

A vanana va ka Israeli va lo engeta va maha kubiha mahlweni ka Jehova. Jehova i lo nyika ntamu ka hosi Egloni a hosi ya Moabi kasi ku vukela va ka Israeli, hilezi va wa mahile kubiha mahlweni ka Jehova.

2 Samueli 7:11

Kusukela siku lego nzi nga yimisa valamuli hehla ka vanhu va mina, va ka Israeli. Nzi ku nyikile kuhumula ka vontlhe valala va wena. Tlhatakumbiri Jehova i ku tivisa lezaku yena i ta ku mahela yindlu.

2 Tihosi 13:3

A zanga ya Jehova yi lo vindlukela va ka Israeli, a va nyikela ka Hazaeli a hosi ya le Siria ni le mandleni ya Ben-Hadade a nʼwana Hazaeli a masiku wontihe. Vala. 2:14; 1 Tih. 19:15

Nehemia 9:27

Hikwalaho u lo va nyikela mandleni ya valala vabye va va hlokisa. Vaku va hi xikari ka zikarato, va ku rilela, wena u vazwa na u hi le tilweni; hi kota ya wuxinji ga wena go eta, u va nyika vahanyisi lava va nga va ponisa mandleni ya valala vabye. Vala. 3:9, 15

Levi 26:17

Nzi ta mu cuwukisa hi mahlo ya makayi, mu ta dawa hi valala va nwina, mu fumelwa hi lava va mu vengako; zonake mu ta tsutsuma na ku nga hi na muhlongolisi. Joba 36:12; Mav. 23:1

Mitsengo 32:13

Zinghaho a zanga ya Jehova yi lo vindlukela a va ka Israeli, a va tlhelisa vaya nzulanzula lomu xiwuleni 40 wa malembe, kala ku mbhela xontlhe lexo xizukulwana xi mahileko kubiha mahlweni ka Jehova.

Joxua 23:16

Loku mu hambunyeta xivumelwano lexi Jehova Nungungulu wa nwina a mu leleteleko xona, mu ya khozela vanwani vanungungulu, mu khizama mahlweni ka vona, a zanga ya Jehova yi ta mu vukela, na nwina mu ta hatlisa mufa lomu ka tiko legi go saseka, legi a mu nyikileko gona. Levi 26:14; Deut. 4:25

2 Samueli 24:1

A zanga ya Jehova yi lo engeta yi vukela va ka Israeli; i lo kucetela Davida a ku va vukela, aku: Famba u ya hlaya va ka Israeli ni va ka Juda.

2 Kronekele 28:5

Hikwalaho Jehova Nungungulu wakwe i lo mu nyikela mandleni ya hosi ya Siria; a vaSiria va mu hlasela, va khoma a vanhu vakwe vo tala va va yisa le Damasku. I lo nyikelwa kambe mandleni ya hosi ya va ka Israeli a hlaselwa nguvu hi yena:

Tisimu 44:11

Wena wa hi nyikela kukotisa a tiyivu leti ti giwako; U hi hangalasa xikari ka vamatiko.

Isaya 42:24

Himani a nyikeleko Jakobe a kuva a phangiwa, Na Israeli mandleni ya vaphangi ke? A hi Jehova loyi hi mu onheleko ke? Loyi va alileko ku famba tindleleni takwe, Va nga ingisi nayo wakwe.