Valamuli 2:1 - Tshwa Bible

¹ A ngelosi ya Jehova yi lo suka hi le Gilgale yi kanziha Bokima, yi ta ku ngalo: Nzi mu humesile le Gipite, nzi mu tisa ka tiko legi nzi hlambanyileko ku gi nyika ka vararu va nwina, nziku: Cima nzi nga ta tshova xivumelwano xa mina na nwina. Gen. 15:18; Deut. 29:14

Valamuli 2:1 Referans Kwoze

Levi 26:42

zonake nzi ta alakanya a xivumelwano xa mina na Jakobe, ni kambe nzi ta alakanya a xivumelwano xa mina na Isaka, ni xivumelwano xa mina na Abrahama, nzi ta alakanya ni tiko.

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 23:20

Languta, nza ruma a ngelosi ya mina mahlweni ka wena, kasi yi fela ku ku hlayisa lomu ndleleni, yi ku chiketa tikweni legi nzi gi longisileko. Deut. 31:3; Isa. 63:9

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Zakaria 11:10

Nzi lo teka a nhonga ya mina yi vitwako Wunene nzi yi tshova, kasi nza fela ku tshova a xivumelwano xa mina lexi nzi nga xi maha ni matiko wontlhe.

Jeremia 14:21

Hi kota ya vito ga wena, u nga swireki ha hina, U nga wisi tingana a xitshamu xa wena xa wukosi; Alakanya a xivumelwano xa wena na hina, u nga xi tshovi.

Isaya 63:9

Lomu zikaratweni zabye zontlhe i lo karateka zinwe navo, Ni ngelosi yi nga mahlweni kakwe yi lo va ponisa. Hi kota ya liranzo lakwe ni ku va zwela kakwe i lo va tirula. I lo va tlakula a va rwala masikwini wontihe ya kaleloko. Ekso. 13:21; 14:19; 32:34

Tisimu 89:34

Nzi nga ta tshova a xivumelwano xa mina, Hambu ku hunzula a mhaka yi humileko nonwini wa mina. Mitse. 23:19

Valamuli 13:3

A ngelosi ya Jehova yi lo woneka ka wasati loye, yiku: Cuwuka, wena u ngonwa. Kanilezi u ta xura nyimba, u pswala nisanyana.

Valamuli 2:5

Hikwalaho a wutshamu lego va gi chula vito ga Bokima; va lo phahlela ka Jehova wutshanwini lego.

Joxua 3:10

Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.

Deuteronome 7:9

Zi tive lezaku Jehova Nungungulu wa wena hi yena Nungungulu; i Nungungulu a tsumbekako, loyi a hlayisako xivumelwano xakwe ni wuxinji, kala ka xizukulwana xa khume ga mazana xa lava va mu ranzako, ni ka lava va hlayisako milayo yakwe. Ekso. 20:6; 34:7

Deuteronome 4:34

Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?

Mitsengo 14:34

Kota lezi mu mbhetileko 40 wa masiku hi ku hlola a tiko, mu ta rwala milanzu ya nwina 40 wa malembe, a lembe ginwe i siku; kasi mu fela ku zi tiva ku ngalo kuhambana ka mina ko yiniyini!

Levi 26:44

Kanilezi hambu loku va hi lomu ka matiko ya valala vabye, cima nzi nga ta va hoxa, hambu ni ku va tsika go kala nzi va mbheta, nzi tshova xivumelwano xa mina zinwe na vona; hakuva hi mina Jehova, Nungungulu wabye. Isa. 59:20; Rom. 11:26

Eksodusi 33:14

Jehova aku: Mina wutsumbu nzi ta ku pangalata, nzi ku humuta.

Eksodusi 14:19

A ngelosi ya Nungungulu leyi yi rangelako mabandla ya va ka Israeli yi lo suka, yiya hi lenzhako ka vona; ni mhinga ya refu yi lo suka mahlweni kabye yi ya yima hi lenzhako ka vona, xikari ka yimpi ya vaGipite ni ya vaIsraeli.

Eksodusi 14:14

Jehova i ta mu lwela, na nwina mu ta rutisa mu miyela. Deut. 1:30

Genesisi 48:16

ni ngelosi leyi yi nga nzi hlanguta kubiheni kontlhe, a yi katekise a vafana lava; a va vitanwe hi vito ga mina, hi mavito ya vakokwani, Abrahama na Isaka; a va anze va tala nguvu laha misaveni.

Genesisi 16:13

Zonake i lo chula a vito ga Jehova loyi a wulawulileko naye aku Nungungulu loyi a Wonako; hakuva i te ngalo: Hakunene nzi wonile loyi a nzi wonako ke?

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Valamuli 6:8

Jehova i lo rumela muprofeti ka vanana va ka Israeli, a yaku kabye: Jehova Nungungulu wa ka Israeli i ngalo: Nzi mu humesile le Gipite, nzi mu humesa le ndlwini ya wukhumbi.

Valamuli 13:2

Ku wa hi kona a munhu wo kari le Zora, wa lixaka la ka Dani, a vito a nga hi Manoa. A sati wakwe i wa hi ngonwa.

Deuteronome 1:8

Langutani, nzi mu nyikile tiko; fambani mu ya teka tiko lego Jehova a hlambanyileko ka vararu va nwina, Abrahama, na Isaka, na Jakobe, a ku va nyika gona, ni zizukulwana zabye anzhako ka vona. Gen. 12:7; 15:18

Valamuli 11:24

Kasi u nga ta fumela lezi Kemexi a ku fumisileko ka zona ke? Zinghaho, hinawu hi teka a tiko ga vontlhe lava Jehova Nungungulu wa hina a va hlongoleko mahlweni ka hina.

Tisimu 89:3

Nzi mahile a xivumelwano ni a hlawulilweko wa mina, Nzi hlambanyile ka Davida a nanza ga mina,