Valamuli 16:25 - Tshwa Bible

²⁵ Laha a timbilu tabye ti nga wa tsaka, va te ngalo: A ku vitanwe Samsoni a ta hi hlekisela. Va lo ya teka Samsoni lomu paxweni a ta va hlekisela, na va mu yimisile laha xikari ka timhanze ta tempeli.

Valamuli 16:25 Referans Kwoze

2 Samueli 13:28

Absalome i lo leletela malanza yakwe, aku: Xiyisisani khwatsi, a xikhati lexi a mbilu ya Amnoni yi tangeleko hi vinya, ni loku nziku ka nwina: Dayani Amnoni! Dayani futsi. Mu nga mu chavi! Ma zizwa lezo ke? Tiyani, muva vavanuna va tinhenha!

Valamuli 19:6

Zinghaho va lo tshama vaga, vanwa, hi wumbiri gabye. A raru wa sati, aku: Xwena kambe wusiku legi, u tsakisa a mbilu ya wena.

Valamuli 9:27

Va lo huma vaya masinwini, va ya kolela mauva va ma kamela, va maha mibuzo, vaya lomu ndlwini ya mingungulu wabye va yaga, vanwa, va rukatela Abimeleki.

Maheberu 11:36

Vanwani va lo ringwa hi kutseketselwa ni kubiwa; ina, va bohiwa ni ku valelwa paxweni. Jer. 20:2

Mateu 27:29

Va lo luka a xidlodlo xa mizwa, va xi tlhateka hlokweni yakwe, va mu khomisa lihlanga canjeni gakwe ga xinene; va lo khizama mahlweni ka yena, va mu tseketsela, vaku: Xewe, hosi ya vaJuda! Tis. 69:19; Isa. 53:3

Isaya 22:13

Kanilezi nwina mu lo maha migiyo ya litsako, mu lo tlhava tikavi ni tiyivu; ku giwa tinyama, ku nwiwa vinya, muku: A hi geni, hinwa, hakuva manziko hi tafa!

Tisimu 69:26

Hakuva va xanisa loyi u mu bileko, Va wulawula hi kubayiseka ka lava u va tlhavileko.

Tisimu 69:12

Lava va tshamako hubyeni va wulawula ha mina, Nzi lisimu la lava va popilweko.

Estere 3:15

Hi kuleletela ka hosi, a mitsukano yi lo huma hi kutsutsuma, ku biwa nyiwo ni le Xuxani a zinzeni. A hosi na Hamani va lo tshama lahasi vanwa, kanilezi a muti wa Xuxani wu wa tele hi kukanganyiseka.

1 Tihosi 20:12

Makunu laha Ben-Hadade a ngazwa a gezu legi na a kari anwa zinwe ni tihosana takwe lomu mixaxeni, i te ngalo ka malanza yakwe: Hlomani! Zinghaho va lo hloma va ya vukela a muti.

Valamuli 19:9

Laha a wanuna a nga suka kasi ku famba, ni sati wakwe, ni nanza gakwe, a raru wakwe aku: E, a gambo gi pelile; etlela. Hi nga wona, wusiku makunu; xwana u tsakisa a mbilu ya wena. Manziko u ta vukela ku khoma ndlela u famba kaya.

Valamuli 18:20

A mbilu ya mupristi yi lo tsaka, a teka efode, ni terafime, ni xifananiso xi vatlilweko, a enghena xikari ka vanhu lavo.

Valamuli 16:24

Laha a vanhu va nga mu wona, va lo dumisa nungungulu wabye, vaku: Nungungulu wa hina i nyikile a nala wa hina mandleni ya hina, loyi a nga wa xakela a tiko ga hina, loyi a hlaseleko a vanhu va ka hina.

Valamuli 16:26

Samsoni i te ngalo ka mufana loyi a nga wa mu khomile hi canja: Nzi yimise hi laha ka timhanze leti ti tiyisako yindlu nzi khometela tona nzi khegela ka tona.

Estere 1:10

Hi siku ga wu 7, laha a mbilu ya hosi yi nga wa tsakile hi vinya, i lo ruma Mehumani, na Bizta, na Harbona, na Bigta, na Abagta, na Zetari na Karkasi, a 7 wa mithenwa leyi yi nga wa yimeletela hosi Ahasuerusi,