Titusi 3:5 - Tshwa Bible

⁵ i lo hi hanyisa, na ku nga hi mitiro ya kululama, leyi hina wutsumbu hi yi mahileko, kanilezi hi wuxinji gakwe, ni kuhlaziwa ka kupswalwa luswa, ni ku mahiwa luswa hi Moya wa ku Basa, Joh. 3:3, 5; Rom. 3:20; Gal. 2:16; 1 Ped. 3:21

Titusi 3:5 Referans Kwoze

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

1 Pedro 3:21

a ku fanana ni mati lawa ma mu hanyisako makunu hi kubapatizwa, na ku nga hi ku susa a chaka ga miri, kanilezi hi ku kombela a livalo li nene ka Nungungulu, hi kuvuka ka Jesu Kristu; Rom. 10:10; Efe. 5:26

1 Pedro 1:3

A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18

Va le Roma 12:2

Ngha mu nga pimanyisi a tiko ga nguva leyi; kanilezi ngha mu hunzuluswa hi ku mahiwa luswa a kupima ka nwina, kasi mu fela ku hlola mu tiva lezi zi nga kuranza ka Nungungulu, loku ko saseka, ku amukelekako, ni ku mbheleleko. Efe. 1:18; 1 Ped. 1:14; 1 Joh. 2:15

Va le Efesusi 2:4

Kanilezi Nungungulu loyi a teleko wuxinji, hi kota ya liranzo lakwe la hombe leli a hi ranzileko ha lona, Rom. 10:12

Va le Efesusi 5:26

lezaku a gi basisa, loku a gi hlazile hi ku bapatiza hi mati zinwe ni mhaka, Joh. 3:5; 15:3; Maheb. 10:22; 1 Joh. 5:6

Tisimu 51:10

Nungungulu, nzi vangele a mbilu yi hlazekileko; Vuxa luswa a moya wa kutiya xikari ka mina.

Va le Roma 11:6

Kanilezi loku ziya hi tipswalo, a za hayi hi mitiro; hakuva loku zi hi tano a tipswalo a ta hi tipswalo. Deut. 9:4, 5

Maheberu 4:16

Hikwalaho a hi tshineleni hi kutiya xitshanwini xa wuhosi xa tipswalo, kasi hi fela ku mahelwa wuxinji, hi kuma tipswalo ta ku hi vuna xikhatini xa kuvumala.

Va le Kolosi 3:10

na mu ambele a munhu muswa, loyi a mahiwako luswa a kutiveni, lezaku a fanana na yena loyi a nga mu vanga. Rom. 12:2; Efe. 2:10

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Va le Galatia 2:16

kota lezi hi zi tivako lezaku a munhu a nga hlayelwi kululama hi mitiro ya nayo, sine hi kukholwa ka Jesu Kristu, hina hi lo kholwa ka Kristu Jesu lezaku hi fela ku hlayelwa kululama hi kukholwa ka Kristu, na ku nga hi mitiro ya nayo; hakuva a ku na munhu a ta nga hlayelwa kululama hi mitiro ya nayo. Tis. 143:2; Miti. 13:38; Rom. 1:17; 8:3

Va le Roma 3:20

Hakuva a ku na nyama yi ta nga hlayelwa kululama mahlweni kakwe hi mitiro ya nayo; hakuva a nayo wa tivisa hi kuonha. Efe. 2:8, 9; Xip. 7:7; Tis. 143:2; Gal. 2:16; 3:11

1 Pedro 2:10

nwina lava a kale mu nga kala mu nga hi tiko, kanilezi makunu mu tiko ga Nungungulu; nwina lava mu nga kala mu nga mahelwangi wuxinji, kanilezi makunu mu mahelwe wuxinji. Hos. 2:23; Rom. 9:25

Va le Efesusi 4:23

kasi mu mahiwa laʼvaswa a moyeni wa kupima ka nwina, Rom. 12:2; 2 Kor. 2:10, 11; Kol. 3:10

Va le Roma 3:28

Hakuva ha tiyisa lezaku munhu i hlayelwa kululama a handle ka mitiro ya nayo. Gal. 2:16; Tit. 3:5

Va le Roma 9:11

hakuva a vanana na va nga se ku belekiwa, hambu ni ku maha zo saseka kutani za kubiha, lezaku a khungo ga Nungungulu hi tlhelo ga kuhlawula gi fela ku simama, hi kota ya yena loyi a vitanako, na ku nga hi kota ya mitiro, Efe. 1:4

Luka 1:78

Hi kota ya wuxinji ga hombe ga Nungungulu wa hina, Lego a kuca ka le hehla ku ta nga hi enzela ha gona,

Luka 1:54

I vunile Israeli a nanza gakwe, Na a alakanya a wuxinji gakwe

Luka 1:50

A zizukulwaneni zontlhe a wuxinji gakwe gi ka lava va mu chavako.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Tisimu 143:2

U nga engheni kulamuleni ni na nza ga wena, Hakuva xikari ka lava va hanyako A ku na munhu a ta nga kumiwa na lulamile mahlweni ka wena. Rom. 3:20; Gal. 2:16

Tisimu 130:7

Israeli, tsumba Jehova, Hakuva Jehova i na ni wuxinji, Yena i na ni kutirula ku eneleko. 2 Sam. 24:14

Joba 25:4

A munhu a nga lulamisa kuyini mahlweni ka Nungungulu? Ni munhu a belekilweko hi wasati a nga basisa kuyini?

Titusi 3:4

Kanilezi laha ku nga woneka a wunene ga Nungungulu a Muhanyisi wa hina, ni liranzo lakwe a ka vanhu,

Va le Roma 9:30

Zonake hi taku yini ke? Hi ngalo, a vamatiko lava va nga kala va nga hloti a kululama, va ku kumile, a kululama loku ku nga ka kukholwa.

Va le Roma 9:16

Hikwalahoke, a ziti hi kuranza ka munhu, kutani hi kutikarata kakwe, kanilezi zita hi ka Nungungulu loyi a nga ni wuxinji. Tis. 115:3

Va le Roma 4:5

Kasi loyi a nga tiriko, kanilezi a kholwa ka loyi a hlayelako muonhi kululama, a kukholwa kakwe ku hlayelwa lezaku kululama. Jox. 24:2; Miti. 13:39; Gal. 2:16

Luka 1:72

Kasi ku va mahela wuxinji a vararu va hina, Ni ku alakanya a xivumelwano xakwe xo basa, Levi 26:42; Tis. 98:3; Ezek. 16:60

Isaya 57:12

Nzi ta tlhatlhambutela a kululama ka wena, Ni mitiro ya wena yi nga ta ku vuna nchumu.

Maheberu 6:6

zonake va tlhela vawa, a zi koteki lezaku va tlheliselwa kambe kuhunzulukeni, kota lezi va ti belelako luswa a Nʼwana wa Nungungulu, va mu vangela tingana.

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Tisimu 62:12

Ni wuxinji kambe gi lumba wena, Hosi; Hakuva u tlhelisela munhu ni munhu maringano ni mitiro yakwe. Rom. 2:6; 1 Kor. 3:8; Kuv. 22:12

Joba 15:14

Xini munhu, lezaku ave loyi a hlazekileko ke? Ni loyi a pswelweko hi wasati, lezaku ave loyi a lulamileko ke? 1 Tih. 8:46; 1 Joh. 1:8, 10

Joba 9:20

Hambu loku nzi lulamile, a nomu wa mina wa nzi kona; Hambu loku nziku, nzi mbhelele, yena i taku nzi na ni nanzu.

Deuteronome 9:5

A ku engheni ku ti tekela a tiko gabye hi kota ya kululama ka wena ni wunene ga mbilu ya wena, kanilezi Jehova Nungungulu wa nwina i hlongola matiko lawa mahlweni ka wena hi kota ya kubiha ka wona, ni lezaku a fela ku tiyisa a gezu legi Jehova a hlambanyileko ka vararu va wena, Abrahama na Isaka na Jakobe.

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Mateu 3:11

Mina nzi mu bapatiza hi mati kasi ma hunzuluka; kanilezi loyi a tako nzhako ka mina i na ni ntamu ku nzi hunza mina; a nzi faneli ni ku rwala zilato zakwe; yena i ta mu bapatiza hi Moya wa ku Basa ni nzilo. Mar. 1:8; Lu. 3:16; Isa. 4:4; 44:3; Miti. 1:5

Va le Roma 11:14

lezaku kutani nzi ta vuxa xiluse xikari ka vona lava va nga maxaka ya mina, nzi hanyisa vanwani va vona. 1 Kor. 7:16

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6