Titusi 3:14 - Tshwa Bible

¹⁴ A vanhu va hina ngha va gonza ku tira mitiro yo saseka, kasi va fela ku vuna laha ku vumalekako, lezaku va ngavi lava va nga hava mihanzu. Fil. 1:11; Kol. 1:10; 2 Ped. 1:8

Titusi 3:14 Referans Kwoze

Va le Kolosi 1:10

lezaku mu famba hi laha ku faneleko Hosi, mu yi xalalisa ka zontlhe, ni ku pswala mihanzu mitirweni yontlhe yo saseka, mu kula kutiveni ka Nungungulu. Joh. 15:16; 1 Tes. 2:12; 4:1

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

Va le Filipi 1:11

na mu tele hi mihanzu ya kululama leyi yi tako ha Jesu Kristu, a ka wudumo ni wudzunzo ga Nungungulu. Joh. 15:4

Mateu 7:19

A sinya yinwe ni yinwani leyi yi nga pswaliko mihanzu yo nanziha, yi tsemiwa, yi hoxiwa nzilweni. Xip. 3:10; Lu. 3:9; Joh. 15:2, 6

2 Pedro 1:8

Hakuva loku lezi zilo zi hi kona ka nwina zi tala, zi ta mu maha mu nga lolohi, hambu ku vumala mihanzu a kutiveni ka Hosi ya hina Jesu Kristu. Joh. 15:2; Tit. 3:14

Va le Filipi 4:17

A hi lezaku nzi lava zinyikiwo; kanilezi nzi lava a mihanzu leyi yi talelako nwina hi kota ya zona. Rom. 15:28

Va le Efesusi 4:28

Ngha loyi a nga hi khamba a nga ha yivi kambe; kanilezi a ti karate a tira lezi zi sasekileko hi mandla yakwe, kasi a fela kuva nazo zo nyika loyi a vumalako.

Johani 15:16

A hi nwina mu nga nzi hlawula, kanilezi hi mina nzi mu hlawulileko, nzi mu yimisa lezaku mu ya pswala mihanzu, ni mihanzu ya nwina yi simamisa; kasi ni xihi lexi mu ta nga mu kombela Dadani hi vito ga mina, a fela ku mu nyika xona. Mat. 28:19; Xip. 14:13; 1 Joh. 4:10

Johani 15:8

Dadani wa mina wa dumiswa hi lezi, lezaku mu pswala mihanzu yo tala, mu maha vapizani va mina. Xip. 13:35; Fil. 1:11

2 Va le Tesalonika 3:8

A hi gangi zakuga za munhu mahala, kanilezi hi lo dzunuka hi tira mumu ni wusiku, kasi hi nga binzisi ni munwe wa nwina. Miti. 18:3; 20:34

Mitiro 20:35

Hi zilo zontlhe nzi lo mu kombisa, lezaku hi ku tira lezo mu yimelwe hi ku vunetela lava va nga ni gome, ni ku alakanya a timhaka ta Hosi Jesu, leti yena wutsumbu a nga wula, aku: Ku katekile ku nyika ku hunza ku nyikiwa. Rom. 15:1; 1 Kor. 9:12; Efe. 4:28

Mateu 21:19

Laha ha a wona a sinya ya nkuwu hi le tlhelweni ga ndlela, i loya ka wona, kanilezi a nga kumangi nchumu ka wona, sine matluka ntsena. Aku ka wona: Kusukela lezi ngha u nga ha pswali mihanzu kala kupinzuka. Zalezo a sinya ya nkuwu yi lo woma.

Mitiro 18:3

kota lezi a nga hi wa ntiro munwe navo, i lo tshama na vona, va tira zinwe; hakuva a ntiro wabye ku wa hi ku maha matenda. Xip. 20:34; 1 Kor. 4:12

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

1 Va le Tesalonika 2:9

Vamakabye, nwina ma alakanya a ntiro wa hina ni kukarateka ka hina; lezi hi nga tira wusiku ni mumu, kasi hi nga binzisi ni munwe wa nwina, laha hi nga kanela ivangeli ya Nungungulu ka nwina. 2 Kor. 11:9

Va le Roma 15:28

Hikwalaho loku nzi ngha nzi hetile lexi, na nzi nyikele mandleni yabye a hlengo lowo, nzi ta hunza hi laho ka nwina nziya Espanya. Fil. 4:17

Va le Roma 12:13

Vunetelani a vobasa kuvumaleni kabye; mu amukela vapfhumba hi kutsaka. Maheb. 6:10; 13:2

Va le Filipi 4:16

Hakuva ni laha nzi nga hi le Tesalonika mu lo rumela kanwe, zonake mu lo engeta ka wumbiri kuvumaleni ka mina. 2 Tes. 3:8

Titusi 2:8

Ngha u nga soleki kuwulawuleni ka wena, kasi loyi a kanetako a fela ku koyo tingana, hi kuva a nga hi na zo biha a ku wula ha hina. Neh. 5:9; 1 Tim. 6:3