Tisimu 98:1 - Tshwa Bible

¹ Yimbelelani ka Jehova a lisimu liswa, Hakuva i mahile zirewukiso; A canja gakwe ga xinene, ni woko gakwe go basa zi mu hlulele.

Tisimu 98:1 Referans Kwoze

Eksodusi 15:6

A canja ga wena Jehova gi dzunzekile hi ntamu; A canja ga wena ga xinene, Jehova, gi hangalasile valala.

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Kuvululelwa 14:3

Va wa yimbelela lisimu liswa mahlweni ka xitshamu xa wuhosi, ni mahlweni ka mune wa zimahwa zi hanyako ni manghanakana; ku wa nga hi kona munhu a zi kotako ku gonza lisimu lelo, saseka lava va 144,000, lava va xabyilweko misaveni. Xip. 5:9

Tisimu 96:1

Yimbelelani a lisimu liswa ka Jehova, Yimbelelani ka Jehova yontlhe misava. 1 Kro. 16:23; Isa. 42:10; Kuv. 5:9

Tisimu 33:3

Yimbelelani ka yena a lisimu liswa; Banani hi wutlhari ni guwa ga hombe.

Tisimu 96:3

Tlhatlhambutelani a wudzunzo gakwe xikari ka matiko, Ni mitiro yakwe yi hlamalisako xikari ka vanhu vontlhe.

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24

Va le Kolosi 2:15

I lo wutla matlhari ya vafumeli va mimoya ni mintamu, a va wisa tingana kubaseni, a giyagiya hi ku va hlula kakwe xihambanweni. Gen. 3:15; Tis. 66:18; Isa. 53:12; Lu. 10:18; Joh. 12:31

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Kuvululelwa 3:21

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2

Mitiro 2:11

a va le Kreta, ni vaArabia, hina hontlhe ha vazwa na va kari va wulawula hi tirimi ta hina hi mitiro ya ntamu ya Nungungulu.

Luka 1:49

Hakuva Loyi a nga ni ntamu i nzi mahele zilo za hombe; Gi basile a vito gakwe. Tis. 71:19; 111:9

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Isaya 63:5

Nzi lo cuwuka, ku wa nga hi na muvuni; Nzi lo hlamala hikuva ku nga hi na munhu wo nzi seketela. Hikwalaho a canja ga mina nwinyi gi lo nzi vuna, Ni khulo ga mina gi lo nzi seketela.

Isaya 42:10

Yimbelelani a lisimu tiswa ka Jehova, Mu mu dumisa kusukela magunweni ya misava; Nwina lava mu yako bimbini, ni zontlhe zi nga ka gona, A matiko ya le bimbini ni lava va akileko ka wona.

Tisimu 149:1

Dumisani Jehova! Yimbelelani Jehova a lisimu liswa, Ni kudumisa kakwe tsombanweni wa vabasileko.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Isaya 59:16

I wonile lezaku a ku na muyimeli, A hlamala hikuva ku nga hi na muhlanguti. Hikwalaho a woko gakwe wutsumbu gi lo mu vunetela, Ni kululama kakwe ku lo mu seketela.

Tisimu 139:14

Nza ku dumisa hi kota ya ku nzi wumba ka wena ku rewukisako, A mitiro ya wena yi hlamalisa. A muhefemulo wa mina wa zi tiva khwatsi.

Tisimu 136:4

Loyi a mahako zirewukiso za hombe a hi yece, Hakuva a wuxinji gakwe ga kala kupinzuka.

Tisimu 105:5

Alakanyani mitiro yi rewukisako a nga yi maha, A zihlamaliso zakwe, ni zinene lezi zi humako nonwini wakwe,

Tisimu 86:10

Hakuva wena u wa hombe, u maha zirewukiso; Wena wece u Nungungulu.

Tisimu 77:14

Hi wena Nungungulu loyi a mahako zihlamaliso; U kombisile a ntamu wa wena xikari ka matiko.

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Mitiro 19:20

Zinghaho a mhaka ya Hosi yi lo anza hi ntamu yi humelela. Xip. 8:7; 12:24

Kuvululelwa 6:2

Nzi lo cuwuka, nzi wona a haxi go basa; ni loyi a nga khilele hehla ka gona i wa hi ni wura; i lo nyikwa xidlodlo, i lo huma kota muhluli a yako kuhluleni. Tis. 45:4, 5; Zak. 6:3-11

Joba 40:9

U na ni woko gi fananako ni ga Nungungulu ke? A gezu ga wena gi nga dzinza ku fana ni gakwe ke?

Tisimu 72:18

A khesiwe Jehova, a Nungungulu wa Israeli; Loyi a mahako zihlamaliso a hi yece.

Tisimu 89:14

A kululama ni nongameto ziseketelo za xitshamu xa wena xa wuhosi, A wuxinji ni zinene zi le nghoheni ya wena.

Isaya 12:5

Yimbelelani Jehova hakuva i mahile a zilo zi hlamalisako; A zi tibyiwa misaveni yontlhe.