Tisimu 97:11 - Tshwa Bible

¹¹ A kuwonekela ku xwanyelwe lava va kululama, Ni kutsaka ka lava va lulamileko timbilu.

Tisimu 97:11 Referans Kwoze

Johani 12:46

Nzi tile nzi hi kuwonekela tikweni, lezaku ni wihi a kholwako ka mina a nga tshami munyameni. Xip. 3:19

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Joba 22:28

Loku u ranza a ku maha nchumu u ta humelela ha wona, Ni kuwonekela ku ta woninga tindleleni ta wena.

Tisimu 112:4

Lomu munyameni a wakululama i ta wona kuwonekela; Yena ngwa tipswalo, ni wuxinji, i lulamile.

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20

Va le Galatia 6:8

Hakuva loyi a byalelako a nyama yakwe, hi nyama i ta tshovela kubola; kanilezi loyi a byalelako a Moya, hi Moya i ta tshovela a wutomi ga pinzukelwa. Jak. 3:15

Tisimu 18:28

U maha kandiya ya mina yi hatima, Jehova, Nungungulu wa mina, i nzi woningela munyameni wa mina.

Estere 8:16

A vaJuda va lo tshama kuwonekeleni hi kutsaka ni wudzunzo.

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Mika 7:9

Nzi ta rwala a zanga ya Jehova, hakuva nzi mu onhele, a kala a yimela a mhaka ya mina a nzi lamula. I ta nzi humesela kuwonekeleni, nzi wona a kululama kakwe.

Isaya 62:1

Hi kota ya Zioni nzi nga ta miyela, Hi kota ya Jerusalema nzi nga ta humula Kala kuwonekela kakwe ku huma khwatsi wuronga, Ni kuhanyisa kakwe ku woningela kota kandiya.

Joba 11:17

Ni wutomi ga wena gi ta xwengula ku hunza hlikanhi, Wena u ta ngangamela, u ta fana ni mixo.

Tisimu 68:4

Yimbelelani ka Nungungulu, dumisani a vito gakwe; Mu longiseleni a gonzo loyi a tsemakanyako a ziwula; A vito gakwe hi Jehova, tsakani mahlweni kakwe. Ekso. 15:1; Isa. 40:3

Isaya 58:8

Zonake a kuwonekela ka wena ku ta woneka kota wuronga, Ni xilonza za wena zi ta hatlisa ku hola, A kululama ka wena ku ta ku rangela Ni wukulu ga Jehova gi ta ku vikela lenzhako.