Tisimu 97:1 - Tshwa Bible

¹ Jehova wa fuma; a misava ngha yi nengela, Ni zihlale leʼzinyingi a zi tsake. Isa. 60:9; Zak. 9:9

Tisimu 97:1 Referans Kwoze

Va le Kolosi 1:13

Yena i lo hi hlanguta ntanwini wa munyama, a hi enghenisa mufunweni wa Nʼwana wakwe a ranzekileko, Maheb. 2:14; 2 Ped. 1:11

Tisimu 99:1

Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

Tisimu 93:1

Jehova wa fuma, i ambele wukulu; Jehova i ti ambexile ntamu, a wu boha, Hikwalaho a misava yi tiyisilwe, a yi tsekatseka

Kuvululelwa 11:17

maku: Ha ku bonga, Hosi Nungungulu wa Ntamu-wontlhe, Loyi u nga kona, Loyi u nga hi kona, hilezi u tekile a ntamu wontihe wa wena wa hombe, u sangule ku fuma. Xip. 1:4, 8; 19:6

Marku 11:10

A wu khesiwe a mufumo lowu wu tako wa dadani wa hina Davida. Hozana le hehlahehla! Tis. 143:1

Zefania 2:11

Jehova i ta chaviseka kabye, hakuva i ta riza vontlhe vanungungulu va misava; vanhu va ta mu khizamela, munwe ni munwani na hi wutshanwini gakwe a ka wontlhe matiko matlhelweni ya bimhi.

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Genesisi 10:5

Lava va nga zihlaleni za matiko va humela ka vona, va ti hangalakela matikweni yabye; vontlhe hi tirimi tabye, hi tixaka tabye, matikweni yabye.

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Mateu 6:10

A wute mufumo wa wena. Kuranza ka wena a ku mahiwe misaveni, kota lezi ku mahiwako le tilweni.

Mateu 3:3

Hakuva hi yaloye a nga kanela ha yena muprofeti Isaya, aku ngalo: A gezu ga loye a bako hungu xiwuleni, giku: Longiselani a ndlela ya Hosi, Mahani magonzo ya yona ma lulama. Isa. 40:3; Mar. 1:3; Joh. 1:23

Obadia 1:21

A vahanyisi va ta kanziha a xitsunga xa Zioni, kasi ku ta lamula xitsunga xa Esau; zonake a mufumo wu tava wa Jehova. Mik. 4:7; Lu. 1:33, 71

Isaya 66:19

Nzi ta yimisa a xikombiso xikari kabye; lava va ta nga pona nzi ta va rumela matikweni, vaya le Tarxixi, le Pule, ni le Ludi, lava va fulako hi mawura, le Tubale, ni le Javane, ni le matikweni ya le kule le bimbini, lawa ma kalako ma nga se kuzwa a wudumo ga mina; vona va ta tlhatlhambutela a wukulu ga mina xikari ka matiko.

Isaya 60:9

Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 49:1

Ingisani nwina matiko ya le bimbini, Zwanani nwina matiko ya le kule! Jehova i nzi vitanile na nza hi rumbyini ga mamani, I nzi chulile vito na nza hi nzeni ka mamani. Jer. 1:5; Mat. 1:20; Lu. 1:31

Isaya 42:4

A nga ta mbheta ntamu, ge ni ku karata, Kala loku a yimisile kululama laha misaveni; A matiko ya le bimbini ma ta langutela nayo wakwe.

Isaya 41:5

A matiko ya le bimbini ma lo zi wona, ma chava; Ni magemeta-musi ya misava ma lo rurumela. Va lo tshinela, vata;

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Tisimu 2:11

Tirelani Jehova hi xichawo, Mu tsaka hi kururumela. Fil. 2:12

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16