Tisimu 95:8 - Tshwa Bible

⁸ Mu nga nonohisi a timbilu ta nwina, kukotisa le Meriba, Khwatsi hi siku ga Massah le xiwuleni, Ekso. 17:7; Maheb. 3:7; 4:7

Tisimu 95:8 Referans Kwoze

Eksodusi 17:7

I lo chula wutshamu lego a vito ga Masa na Meriba hi kota ya kukaneta ka vanana va ka Israeli; ni ku ringa Jehova, vaku: Xana Jehova i kona xikari ka hina, kutani a nga kona ke?

Mitsengo 20:13

Lawa hi mati ya Meriba, laha a vanana va ka Israeli va nga kanetisana na Jehova, a wonisa kubasa kakwe ha wona.

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.

Mitsengo 14:11

Zonake Jehova aku ka Mosi: A vanhu lava va ta nzi kanyisa kala rini ke? Kala rini na va nga nzi tsumbi, hambu loku nzi mahile a zihlamaliso zontlhe lezi xikari kabye?

1 Samueli 6:6

Mu ta nonohisela yini a timbilu ta nwina, kota vaGipite na Faro, va nga nonohisa timbilu tabye ke? A zi mahisangi zalezo laha a nga maha zihlamaliso xikari kabye, kala va va tsika va famba ke? Ekso. 7:13, 22; 8:15

Deuteronome 6:16

Mu nga ringi Jehova Nungungulu wa nwina, kota lezi mu nga mu ringa le Masa.

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Juda 1:5

Makunu nza ranza ku mu alakanyisa, hambu lezi mu sinako mu tiva a mhaka ya kona, lezaku laha a Hosi na yi hanyisile a vanhu va yona, yi va humesa tikweni ga Gipite, yi tlhelile yi lovisa lava va nga kholwiko. Mitse. 14:29; 1 Kor. 10:9

Maheberu 3:13

Khongotelanani a masiku ni masiku, loku ka ha wuliwa ku ngalo: Nyamutlha; kasi ku nga nonohiswi ni munwe wa nwina hi kukhohlisa ka kuonha.

Mitiro 19:9

Kanilezi laha a vanwani va nga ti nonohisa va nga ingisi, va wulawula kubiha hi Ndlela mahlweni ka xidlemo, yena i lo suka kabye zinwe ni vapizani, a ya gonzisa masiku ni masiku xikoleni xa Tirano. 2 Tim. 1:15; 2 Ped. 2:2; Juda 10

Eksodusi 17:2

Hilezo a vanhu va lo sola Mosi, vaku: Hi nyike mati hinwa. Mosi aku ka vona: Hi yini mu nzi zangarelako? Mu mu ringela yini Jehova?

Danieli 5:20

Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.

Mitsengo 14:27

Ku ta kala rini nzi timisela hi tlhangano lowu wo biha, va ta maha gujeguje kala rini? Mina nzi zwile a kumonya ka vanana va ka Israeli lava va nzi mahelako gujeguje.

Eksodusi 8:15

Kanilezi laha Faro a nga wona lezaku i hlangutilwe, i lo ti nonohisa a mbilu yakwe. A nga ingisangi, khwatsi hi lezi Jehova a wulileko.