Tisimu 94:23 - Tshwa Bible

²³ I ta tlhelisela hehla kabye a kubiha kabye, A va lovisa kubiheni kabye; Futsi, Jehova Nungungulu wa hina i ta va hetisa.

Tisimu 94:23 Referans Kwoze

Tisimu 7:16

A kukhohlakala kakwe ku ta tlhelela hlokweni yakwe, Ni lunya lakwe li ta wela hehla kakwe wutsumbu.

Mavingu 14:32

A wa kubiha i pengela kubiheni kakwe; anilezi loyi a lulamileko i na ni kutsumba kufeni kakwe.

Mavingu 2:22

Kanilezi a vakubiha va ta susiwa laha misaveni, i vakanganyisi va ta tsuwulwa ka yona.

Tisimu 55:23

Wena Nungungulu, u ta va cukumeta nkeleni wa kulobyiswa, Lava va nga zigevenga ni vakhohlisi va nga ta hanya khihlanya ga masiku yabye; Kanilezi mina nzi ku tsumbile.

Mavingu 5:22

A wakubiha i ta phasiwa hi kugoha kakwe, ta bohiwa hi magota ya kuonha kakwe wutsumbu.

Tisimu 64:8

Va khunguvanyekiswa hi tirimi tabye wutsumbu; Vontlhe lava va zi wonako va ta ziviza tihloko.

Danieli 9:26

Anzhako ka 62 wa maviki, loyi a totilweko i ta dawa, na a nga hi na muvaleti. A vanhu va hosi leyi yi ta ngata va ta hahlula a muti, ni wutshamu ga kubasa. A kugumelwa ka yona ku tava ku khwatsi yi dawa hi ntalo; ku tava ni yimpi kala kugumeseni, ku layilwe lezaku kuva ni kuhahlulwa.

Danieli 7:24

A khume ga timhonzo ku wulwa a khume ga tihosi ti ta nga huma mufunweni lowu; ku wuya ku huma yinwani anzhako ka tona, yo hambana ni leʼto ranga, yi ta tsongahata a tihosi leti ta tinharu. Kuv. 17:12

Ezekieli 18:24

Kanilezi loku a wakululama a tsika kululama kakwe a onha, a maha manyalataniso wontihe ya wakubiha, i ta hanya ke? A nga ta hlayelwa ni xinwe xa zimaho zi lulamileko lezi a zi mahileko. I tafa hi kota ya kuhluwuka kakwe ni zionho lezi a zi onhileko.

Mavingu 1:31

Hikwalaho va taga mbhanzo wa mahanyela yabye, a ta xuriswa hi makungo yabye.

Tisimu 12:3

Jehova a hetise a milomu yi wulawulako mahlenga, Ni lirimi leli li wulawulako matshanza.

Estere 7:10

Zinghaho va lo cikita Hamani laha mhanzeni leyi a nga wa yi longisele Mordekai. Zonake a zanga ya hosi yi lo hohla.

Valamuli 9:57

Nungungulu i lo tlhelisela kambe hehla ka tihloko ta vanhu va le Xekemi a kubiha kontlhe loku va ku mahileko. A kurukatela ka Jotamu nʼwana Jerubaali ku lowa hehla kabye.

2 Tihosi 19:7

Mina nzi ta enghenisa ka yena munwani moya, lezaku laha a ta ngazwa mahungu yo kari i ta tlhelela tikweni gakwe; nzi ta mu wisa hi tlhari lomu tikweni gakwe.

Estere 9:25

Kanilezi laha a mhaka yi nga chikela hosini, Estere i lo rumisa lezaku ku hangalaswa mapapilo yo vukela a xikungo lexi xi nga wa bohelwe vaJuda, ni lezaku xi wela hlokweni yakwe Hamani, yena ni vana vakwe va hayekiwa timhanzeni.

Tisimu 109:20

Lezo a zive hakhelo leyi Jehova a hakhelako valala va mina, Ni lava va wulawulako kubiha ha mina.

Mavingu 5:23

I tafa hi ku kala a nga gonzangi, ta lahleka hi wukulu ga wupumbu gakwe. Levi 20:10; Deut. 22:24

Jeremia 36:31

Nzi ta mu tsayisa yena ni pswalo wakwe ni malanza yakwe, hi kota ya kubiha kabye; nzi ta neha hehla kabye ni hehla ka vaaki va Jerusalema ni hehla ka vanhu va ka Juda, a makhombo wontihe lawa nzi wulileko hehla kabye, kanilezi a va ingisangi.