Tisimu 94:2 - Tshwa Bible

² Vuka, Mulamuli wa misava, Tlhelisela lava va matshanza.

Tisimu 94:2 Referans Kwoze

Tisimu 7:6

Vuka zangeni ya wena, Jehova; Suka u vukela a kuleva ka valala va mina, Suka u nzi yimela kulamuleni loku u ku yimisileko.

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Tisimu 31:23

Ranzani Jehova nwina nwentlhe vobasa vakwe. Jehova wa hlayisa lava vo tsumbeka, A tlhelisela loyi a ti kulisako lezi zi mu faneleko.

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

Mika 5:9

Ngha a canja ga wena gi tlakuswa hehla ka lava va ku vukelako, a valala va wena vontlhe ngha va lova. Israeli i ta basiswa.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Isaya 37:29

Hi kota ya ku nzi vukela ka wena, Ni matshanza ya wena ma chikeleko tindleveni ta mina, Hikwalaho nzi ta ku bhoxa mukhalo nhovini ya wena, Nzi ku vekela matomu ya mina nonwini wa wena, Nzi ku tlhelisa hi ndlela leyi u tileko ha yona.

Isaya 37:23

Himani loyi u nga mu rukatela u mu tseketsela ke? U tlakusile a gezu ga wena ni mahlo ya wena hehla ka mani? U vukele Loyi a Basileko wa ka Israeli.

Isaya 10:12

Kanilezi loku a Hosi yi mahile wontihe ntiro wa yona hehla ka xitsunga xa Zioni ni le Jerusalema, nzi ta tsayisa a hosi ya le Assiria hi kota ya kutikulisa ka mbilu ya yona, ni matshanza ya mahlo ya yona, 2 Tih. 19:35

Isaya 2:17

A kutikulisa ka vanhu ku ta tsongahatwa, ni kutikukumuxa ka vavanuna ku ta reletwa; hi Jehova yece a ta nga kulisiwa a ka siku lego.

Tisimu 74:22

Vuka, Nungungulu, u yimela a mhaka ya wena; Alakanya lezi a xipumbu xi ku rukisako zona siku ni siku.

Tisimu 68:1

Ngha Nungungulu a vuka, a valala vakwe va hangalaka, Ni lava va mu vengako va tsutsuma mahlweni kakwe. Mitse. 10:35

Tisimu 50:6

A matilo ma tlhatlhambuta a kululama kakwe, Hakuva hi Nungungulu wutsumbu a nga mulamuli. (Sela.)

2 Kronekele 20:12

Nungungulu wa hina, u nga ta va lamula ke? Hakuva hina a hi na ntamu wa kulwa ni xidlemo xa hombe nguvu xi tako ku ta hi vukela; a hi zi tivi lezi hi to maha, kanilezi a mahlo ya hina ma cuwukele ka wena.

Tisimu 82:8

Vuka, Nungungulu, u lamula misava, Hakuva wontihe matiko ma lumba wena.