Tisimu 90:16 - Tshwa Bible

¹⁶ A ntiro wa wena a wu woneke ka malanza ya wena, Ni kungangamela ka wena ka vanana vabye.

Tisimu 90:16 Referans Kwoze

Habakuka 3:2

Jehova, nzi zwile a mubiko wa wena, nzi wuya nzi chava! Jehova, vuxa a ntiro wa wena xikari ka malembe lawa, A xikari ka malembe lawa u ta wu tivekisa; Alakanya ku hi hawukela zangeni ya wena.

Tisimu 44:1

Nungungulu, hi zi zwile hi tindleve ta hina, A vadadani va hina va hi byelile Hi mitiro leyi u yi tirileko masikwini yabye, A masikwini ya kale ka matiko. Deut. 6:20

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Tisimu 92:4

Hakuva wena Jehova wa nzi tsakisa hi mitiro ya wena, Nzi ta huwelela hi litsako hi kota ya mitiro ya mandla ya wena.

Tisimu 77:12

Nzi ta ehleketa hi mitiro ya wena yontlhe, Nzi alakanyela hi zimaho za wena.

Joxua 23:14

Langutani, inyamutlha mina nza famba hi ndlela ya yontlhe misava. Nwina ma zi tiva khwatsi hi timbilu tontlhe ta nwina ni mihefemulo yontlhe ya nwina, lezaku ku hava ni ginwe gezu ka wontihe magezu yo saseka lawa Jehova Nungungulu wa nwina a ma wulileko hehla ka nwina, ma nga kala ku maheka; kanilezi ma mahekile wontihe, ku hava ni gezu ginwe gi wileko hasi.

Deuteronome 1:39

Kasike a vanana va nwina, lava mu nga wula ha vona lezaku va ta khomiwa va maha tihloko, ni vana va nwina lava inyamutlha va nga tiviko kusaseka ni kubiha, hi vonake va ta nga enghena ka tiko lego; nzi ta va nyika gi maha tiko gabye.