Tisimu 86:5 - Tshwa Bible

⁵ Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Tisimu 86:5 Referans Kwoze

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Eksodusi 34:6

Zonake Jehova i lo hunza mahlweni kakwe, na aku: Jehova, Jehova, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; Mitse. 14:18; Neh. 9:17; Joeli 2:13; Jona 4:2

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Tisimu 103:8

Nungungulu i na ni wuxinji ni tipswalo, Wa nonoka ku zangara, i tele hi wunene. Ekso. 34:6; Joeli 2:13; Jona 4:2

Mitiro 2:21

Ku ta maheka lezaku ni wihi a ta nga khongela vitweni ga Hosi i ta hanyiswa. Rom. 10:13

Tisimu 145:18

Jehova i kusuhi ni vontlhe lava va mu khongelako, Lava va mu vitanako hi zinene.

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 25:8

Jehova i nene ni kululama; Hikwalaho wa komba vaonhi a ndlela. Deut. 32:4

Tisimu 130:7

Israeli, tsumba Jehova, Hakuva Jehova i na ni wuxinji, Yena i na ni kutirula ku eneleko. 2 Sam. 24:14

Johani 4:10

Jesu i lo hlamula, aku kakwe: Loku u wa xi tivile a xinyikiwo xa Nungungulu, ni lezaku himani a nge ngalo ka wena: Hi nga nziha nzinwa, ngha u kombele yena, zonake ngha na yena a ku nyikile a mati ya kuhanya. Isa. 12:3; Jer. 2:13; Zak. 13:1

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Danieli 9:9

A Hosi Nungungulu wa hina i na ni wuxinji ni kutsetselela hambu lezi hi nga ti alisile.

Ezekieli 36:37

Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.

Ezekieli 36:33

Hosi Jehova i ngalo: Loku nzi mu hlazile ka zontlhe zigoho za nwina, nzi ta maha a miti yiva ni vanhu, a marumbi ma vuxiwa.

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Tisimu 119:68

Wena u nene, u maha kusaseka, Nzi gonzise ziyimiso za wena.

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Tisimu 69:16

Jehova, nzi hlamule, hakuva wuxinji ga wena gi nene, Hunzulukela ka mina hi kota ya wumbilu ga wena ga hombe.

Tisimu 36:7

Gi ranzekisa kuyini a wuxinji ga wena, O Nungungulu! A vana va vanhu va chavela lahasi ka tipapa ta wena.

Va le Efesusi 2:4

Kanilezi Nungungulu loyi a teleko wuxinji, hi kota ya liranzo lakwe la hombe leli a hi ranzileko ha lona, Rom. 10:12

Tisimu 52:1

Munhu wa lunya; Hikuyini u ti kukumukisako hi kubiha ke? A wuxinji ga Nungungulu gi simamisa kala kupinzuka.

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 69:14

Nzi humese maropeni, u nga nzi tsiki nzi rikha; A nzi tlhatlhiswe ka lava va nzi vengako, Ni le matini ya kueta.

Tisimu 103:3

Loyi a ku tsetselelako a zigoho za wena zontlhe, Loyi a chumako tinghumbe ta wena tontlhe;