Tisimu 85:8 - Tshwa Bible

⁸ Nzi tazwa lezi Jehova Nungungulu a to zi wula, Hakuva i ta wulawula kurula ka tiko gakwe ni ka vabasileko vakwe; Kanilezi ngha va nga ha tlheli wupumbyini.

Tisimu 85:8 Referans Kwoze

Tisimu 29:11

Jehova i ta nyika ntamu ka vanhu vakwe; Jehova i ta katekisa tiko gakwe a gi nyika kurula.

Kuvululelwa 3:19

Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka. Mav. 3:11; Maheb. 12:5

Zakaria 9:10

Nzi ta fuvisa a tikareta lomu Efraime, ni mahaxi le Jerusalema, ni mawura ya yimpi ma ta fuviswa. I ta wulawula kurula a ka mifumo; a kufuma kakwe ku ta sukela bimbini ginwe kala ka ginwani, ni kusukela Congweni kala magemetamusi ya misava.

2 Timote 2:19

Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19

Habakuka 2:1

Nzi kona laha wurinzelweni ga mina, nzi yima le hehla ka khokhola, nzi rinzela kasi kuzwa lezi Jehova a ta nga zi wulawula hi mina, ni lezi a ta nga hlamula hi kota ya xirilo xa mina.

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Genesisi 34:7

Laha a vafana va Jakobe va nga wuya hi le mikoveni na va zi zwile va lo zangara va xaniseka nguvu, hakuva Xekemi i wa mahile kubiha ka Israeli, hi ku etlela ni nhanyana wa Jakobe, lezi zi nga faneliko ku maheka.

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;

2 Va le Tesalonika 3:16

Makunu ngha Hosi ya kurula wutsumbu ga yona yi mu nyika kurula xontlhe xikhati matlhelweni wontihe. A Hosi a yive na nwina nwentlhe.

Va le Efesusi 2:17

I lo ta kanela kurula ka nwina lava mu nga hi kule, ni kurula ka lava va nga hi kusuhani. Isa. 57:19; Zak. 9:10

Va le Galatia 4:9

Kanilezi makunu kota lezi mu mu tivileko Nungungulu, nguvunguvu a ku tibyiwa hi Nungungulu, hiyini ma ha tlhelelako nzhako a ka mintamu yo sangula leyi yi nga ni gome, leyi mu lavako a kuva tikhumbi ta yona kambe ke? 1 Kor. 8:3; Kol. 2:20; Maheb. 7:18

Mitiro 10:36

Ma yi tiva a mhaka leyi a nga yi rumela ka vana va Israeli, laha a nga kanela a mahungu yo saseka ya kurula hi Jesu Kristu, loyi a nga Hosi ya vontlhe; Isa. 57:19; Kol. 1:20; Dan. 7:14; Kuv. 17:14

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Johani 20:26

Loku ku hunzile a ntlhanu wa masiku ni manharu, a vapizani vakwe va wa hi lomo ndlwini, na hi kona Tomasi. Na ti valilwe tivati, Jesu i lo ta yima xikari kabye, aku ngalo: A kurula a kuve ka nwina.

Johani 20:19

Laha gi nga hlwile gwalego siku, gi nga siku go ranga ga viki, na ti valilwe tivati laha vapizani va nga hi kona hi ku chava vaJuda, Jesu i lota a ta yima xikari kabye, aku ngalo: A kurula a kuve ka nwina. Mar. 16:14; Lu. 24:36; 1 Kor. 15:5

Johani 8:11

Yena aku ngalo: A nga kona, Hosi. Jesu aku ngalo: Na minawu, a nzi ku koni. Ti fambele, u nga ha onhi kambe. Lu. 9:56; 12:14; Xip. 5:14

Johani 5:14

Anzhako ka lezo, Jesu i lo mu kuma tempeleni, aku ngalo kakwe: Wangabye, u hanyisilwe; u nga dzuki u onha kambe, ku nga taku a kubiha ka hombe ko hunza loku kuta hehla ka wena. Mat. 12:45; Xip. 8:11

Hagai 2:9

A wukosi go gumesa ga yindlu leyi gi tava ga hombe ku hunza leʼgo ranga, ku wula Jehova wa tiyimpi; a ka wutshamu legi nzi ta nyika kurula, ku wula Jehova wa tiyimpi.

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Mavingu 25:11

A mhaka yi wulwako hi fanelo i fanana ni mnlalanja ya nzalama xibyeni xa siliva.

Tisimu 50:5

Tsombanyisani a vobasa va mina vata ka mina, Lava va mahileko a xivumelwano zinwe na mina hi muphahlo.

Mavingu 27:22

Hambu loku u wa ta kanza a xipumbu lomu churini, kanza hi musi u patsa ni mavele lawa ma gayiwako, ima a wupumbu gakwe gi nga ta huma.

1 Samueli 25:25

Hosi yanga, u nga dzuki u khatalela loyi wa kubiha, a nga Nabali, khwatsi hi lezi gi nga lezo a vito gakwe, kunene hi Nabali hi zalezo a nga zona, ni wupumbu gi na yena. Kasike mina nanza ga wena a nzi ma wonangi a majaha lawo u ma rumileko.