Tisimu 83:2 - Tshwa Bible

² Hakuva a valala va wena va maha guwa, Ni lava va ku vengako va tlakusa hloko.

Tisimu 83:2 Referans Kwoze

Tisimu 81:15

Zonake lava va vengako Jehova va wa ta ti tsongahata mahlweni kakwe, Ni xikhati xa vanhu vakwe xi wa tava xa kala kupinzuka.

Mateu 27:24

Lezo Pilatu na a wonile lezaku a nga zi koti ku va rutisa, ntsena ku vuxa woyonga, i lo teka mati, a hlamba mandla yakwe mahlweni ka xidlemo, aku: A nzi na nanzu hi nkhata wa munhu loyi a lulamileko; ti woneleni nwina. Deut. 21:6

Jeremia 1:19

Va talwa na wena, kanilezi va nga ta ku hlula; ihakuva mina nzi zinwe na wena, kasi ku ku ponisa, ku wula Jehova.

Isaya 17:12

Yowe, a kudzuma ka matiko laʼmanyingi, Lawa ma mabako guwa khwatsi i guwa ga mabimbi. A kuvuma ka matiko, ma vumako khwatsi i guwa ga mati yo tala.

Valamuli 8:28

Zinghaho a vaMidiani va lo khoza ka vanana va ka Israeli, va nga ha engeti kambe va tlakusa tihloko tabye. A tiko gi lo humula 40 wa malembe xikhatini xa Gideoni.

Mitiro 23:10

Makunu laha a kukanetisana ku nga enzeleka, a nduna ya hombe yi lo chava lezaku va nga hanzula Paule, yi ruma masochwa a ku relela ma ya mu wutla xikari kabye, ma mu yisa xikanekisweni.

Mitiro 22:22

Vona va lo mu ingisa a kala a wula mhaka leyi; zonake va lo tlakusa a magezu yabye, vaku ngalo: Mu suseni misaveni a munhu wa kunghahi; hakuva a nga faneli ku hanya. Xip. 21:36; 25:24

Mitiro 21:30

A muti wontihe wu lo maha nyenganyenga, a vanhu vontlhe va tsombana wutshamu ginwe; va khoma Paule, va mu kokovisela lehandle ka tempeli, ku valiwa a tinyangwa ta tempeli.

Mitiro 17:5

Kanilezi a vaJuda na va tatisilwe hi mona, va lo kombela a vanyamijiri a ku tsombanyisa a xidlemo, va vuxa dzolonga mutini; zonake va lo ranzela a yindlu ya Jasoni, va lava a vapostoli a ku va humesa ka vanhu. Rom. 16:21

Mitiro 16:22

A xidlemo xontlhe xi lo va vukela; a tinduna ti lo va runzuwulela a tinguwo tabye, ti laya lezaku a va biwe hi tinhonga. 2 Kor. 6:5; 1 Tes. 2:2

Isaya 37:29

Hi kota ya ku nzi vukela ka wena, Ni matshanza ya wena ma chikeleko tindleveni ta mina, Hikwalaho nzi ta ku bhoxa mukhalo nhovini ya wena, Nzi ku vekela matomu ya mina nonwini wa wena, Nzi ku tlhelisa hi ndlela leyi u tileko ha yona.

Isaya 37:23

Himani loyi u nga mu rukatela u mu tseketsela ke? U tlakusile a gezu ga wena ni mahlo ya wena hehla ka mani? U vukele Loyi a Basileko wa ka Israeli.

Tisimu 93:3

Jehova, a mintalo yi tlakusile, A mintalo yi tlakusile magezu ya wona, Futsi, yi tlakusile a kudzuma ka yona.

Tisimu 74:23

U nga rivali a tihuwa ta valala va wena; A guwa ga lava va ku vukelako ga zwakala wontihe masiku.

Tisimu 74:4

A valala va wena va kanyulukile lomu tempeleni ya wena, Va vekile zikombiso zabye ziva zikombiso za kona.

2 Tihosi 19:28

Hi kota ya khulo ga wena ka mina, ni ku ti kukumukisa ka wena ku chikeleko tindleveni ta mina, nzi ta ku bhoxa mukhalo nhovini ya wena, nzi ku ambexa matomu nonwini wa wena, nzi ku tlhelisa hi yona ndlela leyi u tileko ha yona. Ezek. 29:4; 38:4

Tisimu 109:1

Nungungulu, wena loyi nzi ku dumisako, u nga miyeli;