Tisimu 77:18 - Tshwa Bible

¹⁸ A kudzinza ka wena ku lo zwala lomu ka xipupuri, A zingwalangwanza zi lo woningela misava; Ni misava yi lo rurumela, yi tsekatseka.

Tisimu 77:18 Referans Kwoze

Tisimu 97:4

A kuhatima kakwe ku woninga misava, A misava ya ku wona, yi rurumela.

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

2 Samueli 22:14

Jehova i lo dzinza na hi le tilweni, Loyi a nga Hehla-hehla a zwata a gezu gakwe.

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Kuvululelwa 18:1

Anzhako ka lezo nzi lo wona yinwani ngelosi yi relela hi le tilweni, yi hi ni ntamu wa hombe; ni misava yi lo woningwa hi kungangamela ka yona. Ezek. 43:2

Mateu 28:2

Zonake ku wa hi kona a kutsekatseka ka hombe ka misava, hakuva a ngelosi ya Hosi yi lo relela hi le tilweni, yi ta wumbuluta a ribye, yi tshama hehla ka gona. Lu. 24:4; Joh. 20:12

Mateu 27:51

Languta, a xisirelo xa tempeli xi lo hanzuka hi laha xikari, kusukela hehla kala lahasi; a misava yi lo tsekatseka, a maribye ma panzeka; Ekso. 26:31; 2 Kro. 3:14; Lu. 23:45

Habakuka 3:4

A kuhatima kakwe ku fanana ni ka gambo, A miseve ya kuwonekela yata hi canjeni gakwe; Hi kona wu fihlilweko a ntamu wakwe.

Tisimu 104:7

Kanilezi hi ku ma kawuka ka wena ma lo tsutsuma, Hi kudzinza ka gezu ga wena ma lo hatlisa mapswa.

Tisimu 18:7

A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

2 Samueli 22:8

Zonake a misava yi lo tsekatseka yi rurumela, Ni ziseketelo za tilo zi lo ninginizwa, Zi tsekatsekiswa hakuva yena i wa zangarile.

Valamuli 5:4

Jehova, laha u nga huma hi le Seire, A kufeni ka wena hi le tikweni ga Edome, A misava yi lo tsekatseka, a matilo ma dona, Ina, a marefu ma lo chulula mati. Ekso. 19:16; Deut. 2:3

Eksodusi 19:18

Zonake a xitsunga xa Sinai xi lo tuvika musi matlhelo wontihe, hakuva Jehova i wa relele ka xona na hi lomu nzilweni. A musi wa kona wu lo tuvikela hehla kotisa musi wa phingo ga nzilo. Zonake a xitsunga xontlhe xi lo tsekatseka nguvu. Deut. 4:11; Maheb. 12:18

Eksodusi 19:16

Hi siku ga wunharu laha na gi cile, ku wa hi kona kudzinza ni kuhatima, ni refu legi ga ntima na gi hi hehla ka xitsunga; ni kuvuma loku ka hombe ka punzu ku lo tinga. Zonake a vanhu vontlhe lava va nga hi lomu wugovelweni va lo rurumela.

Tisimu 18:14

I phandile tigalala takwe, a va hangalasa, Zingwalangwanza zo tala zi va panzanya. 1 Sam. 7:10

Tisimu 18:15

A milonga ya mati yi lo woneka, Ziseketelo za misava zi sala kubaseni, Hi kota ya kupambula ka wena, Jehova, Hi kota ya xikuhe xa tinhovu ta wena.