Tisimu 74:3 - Tshwa Bible

³ Kongoma a milenge ya wena uya wutshanwini ga marumbi ga kale, A nala i gohile zontlhe wutshanwini ga wena go basa.

Tisimu 74:3 Referans Kwoze

Danieli 9:17

Hikwalaho Nungungulu wa hina, zwana a mukombelo wa nanza ga wena, ni mikhongelo yakwe, u maha a nghohe ya wena yi woninga hehla ka wutshamu ga kubasa ga wena legi gi hahlulweko, hi kota ya Hosi.

Mikosi 1:10

A nala i wutlile a makatekwa yakwe wontlhe, I wonile vamatiko na va, enghena wutshanwini gakwe ga kubasa. Lava u va aleleko a ku enghena hlengeletanweni wa wena. Deut. 23:3; Neh. 13:1; Ezek. 44:9

Tisimu 79:1

Nungungulu, a vamatiko va enghenile tshombeni ya wena, Va hanahanisile a tempeli ya wena ya kubasa, Jerusalema va gi mahile marumbi.

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Marku 11:17

I lo va gonzisa, aku: A ku tsaliwangi lezaku: A yindlu ya mina yi ta vitanwa a yindlu ya kukhongela ya matiko wontihe? Kasi ke nwina mu yi mahile a mhako ya vaphangi. Isa. 56:7; Jer. 7:11

Mika 3:12

Hikwalaho hi kota ya nwina, Zioni i ta rimiwa khwatsi i simu, na Jerusalema i ta maha tinhulu ta maribye, ni xitsunga xa tempeli xi tava xitsunga xa khwati. Jer. 26:18

Mika 1:3

Hakuva Jehova i huma wutshanwini gakwe, a relela, a ta fambafamba matshanwini ma tlakukileko ya misava.

Danieli 11:31

A mabutho ma rumilweko hi yena ma ta nyenyezisa a wutshamu ga kubasa ni khokhola, va ta fuvisa a minyikelo ya kuhiswa ya simasima, va yimisa a manyalataniso ya mbangalakasa. Mitse. 28:4; Mat. 24:15

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14

Jeremia 52:13

I lo hisa a yindlu ya Jehova, ni yindlu ya hosi, ni tontlhe a tiyindlu ta lomu Jerusalema, nguvunguvu a tiyindlu leʼta hombe i lo ti hisa hi nzilo.

Isaya 61:4

Va ta aketa a marumbi ya kale, Va ta vuxa a tigingisi ta kaleloko, Ni ku aka luswa a miti yi hahlulweko, Yi khungumulweko xikhatini xa kale.

Isaya 25:10

Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Tisimu 44:26

Vuka, u hi vuna; Hi hlangute hi kota ya wunene ga wena!

Tisimu 44:23

Vuka, Hosi! hi yini u etlelako ke? Vuka, u nga hi hoxeli magumo. Mat. 8:24

Nehemia 2:13

Nzi lo huma ni wusiku hi nyangwa ya tlhelo ga le nkoveni ngomama ni Hlowo ya Dragoni, hi tlhelo ga Nyangwa ya Wulongo, nzi cuwukisisa a ligingisi la Jerusalema leli li nga wa khungumulwe, ni tivati leti ti nga wa hisilwe hi nzilo.

Nehemia 2:3

Nzi te ngalo ka hosi: Hosi, hanya kala kupinzuka! Nzi wa ta kala nzi nga tsanwi, laha a muti, a wutshamu ga zilahla za vadadani va mina, wu khungumulweko, ni tivati ta kona ti hisilweko hi nzilo ke? Dan. 2:4; 3:9; 5:10

Nehemia 1:3

Vaku ka mina: A misalela leyi yi humileko wukhumbini, yi akileko tikweni legiya, va le kuxanisekeni ka hombe nguvu ni nzhukanweni. A ligingisi la Jerusalema kambe li khungumulwe, a tivati ta lona ni hisilwe hi nzilo. 2 Tih. 25:9

Joxua 10:24

Ni laha va nga wa tisile tihosi leto mahlweni ka Joxua, Joxua i lo tsombanyisa vontlhe vavanuna va ka Israeli. Zonake aku ka tinduna ta vanhu va yimpi lava va fambako zinwe na yena: Tshinelani mu ta kanzihela hehla ka tinhamu ta leti tihosi hi mikonzo ya nwina. Va lo tshinela va ta kanzihela hehla ka tinhamu ta tona.

Kuvululelwa 11:2

Kanilezi a hubye leyi yi nga lahandle ka tempeli, yi tsike, u nga yi pimi; hakuva yi nyikelwe a vamatiko; va ta kanzihela a muti wo basa a mune wa makume ya tihweti ni timbiri. Tis. 79:1; Ezek. 40:17; Lu. 21:24

2 Tihosi 25:9

I lo ta hisa a yindlu ya Jehova ni yindlu ya hosi; a hisetela tontlhe tiyindlu ta le Jerusalema, ni tontlhe tiyindlu ta vahombe.