Tisimu 72:10 - Tshwa Bible

¹⁰ A tihosi ta Tarxixi ni ta le zihlaleni ti ta neha nzhuvo, Ni tihosi ta le Xeba ni Seba ti ta humesa zinyikiwo. Isa. 60:5; Mat. 2:11

Tisimu 72:10 Referans Kwoze

Isaya 60:6

A makameli yo tala ma ta ku fenengeta, Ni marole ya makameli ya le Midiani ni ya le Efa; Vontlhe va le Xeba va tata va neha nzalama ni hlakati, Va taba nyiwo hi kudumiswa ka Jehova.

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Tisimu 68:29

Na u hi lomu tempeleni ya wena le Jerusalema; A tihosi ti ta ku humesela zinyikiwo.

1 Tihosi 10:1

Laha a muzinza wa le Xeba a nga wa zwile a wudumo ga Solomoni xungetano ni vito ga Jehova, i lo ta mu ringa hi ziwutiso zo binza. Mat. 12:42; Lu. 11:31

Isaya 60:9

Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Tisimu 45:12

A nhwana wa Tire i ta humesa zinyikiwo, Ni vafumileko va ta koxa a thomo ga wena. Isa. 23:18; 60:6

2 Kronekele 9:21

Hakuva hosi Solomoni i wa hi ni mataro ma nga waya le Tarxixi zinwe ni malanza ya Huramu, na mata ma neha a nzalama, ni siliva, ni timhonzo ta tindlovu, ni tifenhe, ni mapavawu.

Genesisi 10:7

A vana va Kuxe hi Seba, na Havila, na Sabita, na Rama, na Sabiteka. A vanana va Rama hi Xeba, na Dedani.

Mateu 2:11

Va lo enghena lomu ndlwini, va wona a xihlangana ni nyine wa xona Maria; va lo xi khizamela, va vulula zikhwama zabye va mu nyika zinyikiwo: a nzalama ni hlakati ni mira. Tis. 72:10

Isaya 60:3

A matiko ma ta famba kuwonekeleni ka wena, Ni tihosi ti ta famba kuhatimeni ka kuvuka ka wena. Lu. 2:32; Kuv. 21:24

Isaya 43:6

Nzi taku ka Nwalungu: Humesa! Ni ka Dzonga: U nga alisi! Wuyisa a varisanyana va mina hi le kule, Ni vanhwana va mina hi le magemeta-musi ya misava;

Isaya 43:3

Hakuva mina nzi Jehova a Nungungulu wa wena, Loyi a Basileko wa ka Israeli, a muhanyisi wa wena. Nzi nyikile Gipite a kuva nzhiho wa wena, Na Etiopia na Seba wutshanwini ga wena.

Isaya 42:10

Yimbelelani a lisimu tiswa ka Jehova, Mu mu dumisa kusukela magunweni ya misava; Nwina lava mu yako bimbini, ni zontlhe zi nga ka gona, A matiko ya le bimbini ni lava va akileko ka wona.

Isaya 42:4

A nga ta mbheta ntamu, ge ni ku karata, Kala loku a yimisile kululama laha misaveni; A matiko ya le bimbini ma ta langutela nayo wakwe.

1 Tihosi 10:25

loyi ni loyi i lo nehela nzuwo yakwe, zi nga zona zibya za siliva ni za nzalama, ni tinguwo, ni matlhari, ni mipepo, ni mahaxi, ni mamula, zi mahiwa lezo lembe ni lembe.

1 Tihosi 10:10

Zonake i lo nyika a hosi a 120 wa titalenta ta nzalama, ni mipepo yo tala nguvu, ni maribye ya tsengo. Cima ku wa nga tangi ni siku ginwe a mipepo yo tala nguvu kota leyi yi ngata ni muzinza wa le Xeba ku ta nyika hosi Solomoni.

1 Tihosi 10:2

I lota le Jerusalema na hi ni vanhu vo tala nguvu, na va hi ni makameli ma rweleko mipepo yo nuhela, ni nzalama yo tala nguvu, ni maribye ya tsengo. I lota ka Solomoni a ta mu hlawutela zontlhe zi nga hi mbilwini yakwe.

Estere 10:1

Hosi Ahasuerusi i lo khupisa tiko ni zihlale za le bimbini.

Tisimu 68:30

Kawuka a xihari xa lomu hlangeni; A ntlhambi ya tikuzi, ni marole ya matiko, A va ku khizamele va humesa zipanze za siliva. Hangalasa a matiko lawa ma tsakako hi tiyimpi. Isa. 30:6