Tisimu 7:4 - Tshwa Bible

⁴ Loku nzi mu tlhelisele kubiha loyi nzi nga hanya naye hi kurula, Loku nzi phangile loyi a nzi vengako ahandle ka xigelo, Tis. 55:20

Tisimu 7:4 Referans Kwoze

Tisimu 55:20

A wakubiha i hlomile a vukela loyi a hanyileko naye hi kurula, A tshova xivumelwano xakwe.

1 Samueli 24:7

Zinghaho Davida i lo beletela a vanhu vakwe hi magezu lawo, a nga va vumeli ku vukela Saule. Zonake Saule i lo suka a huma lomu muhumeni a khoma ndlela yakwe a famba.

Mavingu 17:3

A mbita yo nyekisela nja siliva, ni nzhimbo ngwa nzalama; anilezi Jehova i ringa timbilu.

Tisimu 109:5

Va nzi tlhelisela kusasa hi kubiha, Va tlhelisela liranzo hi livengo.

1 Samueli 26:24

Languta, khwatsi hilezi a wutomi ga wena gi nga wa hi malongo nguvu mahlweni ka mina, zinghaho ni wutomi ga mina gi tava malongo mahlweni ka Jehova; na yena i ta nzi ponisa kuxanisekeni kontlhe.

1 Samueli 22:14

Ahimeleki a hlamula, aku kakwe: Himani xikari ka wontihe malanza ya wena a tsumbekileko kota Davida mwane wa hosi, yi nga yona a nduna leyi yi ku ingisako lomu makungweni ya wena, ni loyi a dzunzekileko lomu ndlwini ya wena ke?

1 Samueli 20:1

Davida i lo tsutsuma le Naiote wa Rama aya ka Jonatani a ya ku kakwe: Xini nzi mahileko? I nanzu muni nzi nga nawo, na xi hi xionho muni nzi onheleko raru wa wena lezi a hlotako wutomi ga mina?

Genesisi 44:4

Laha na va ha ku huma laha mutini, na va nga se famba kule, Josefa aku ka nekwa ya yindlu yakwe; Suka u lanza a vanhu lava, loku u va kuma u taku ka vona: Hikuyini mu tlhelisela a kusaseka hi kubiha?

1 Samueli 26:21

Zonake Saule i te ngalo: Nzi onhile! Wuya nwananga, Davida! Hakuva nzi nga ta ku maha mhango, hakuva inyamutlha a wutomi ga mina gi wa hi malongo nguvu mahlweni ka wena. Languta, mina nzi mahile wupumbu, nzi hoxile nguvu.

Genesisi 44:9

Kani hi wihi wa malanza ya wena gi ta nga kumiwa ka yena a dawe, hina hontlhe hi tava tikhumbi ta hosi ya wena.

2 Samueli 16:8

Jehova a tlhelisele hehla ka wena wontihe a nkhata wa yindlu ya ka Saule, leyi wena u fumako matshanwini ya yena, makunu Jehova i nyikele wukosi mandleni ya nʼwana wa wena Absalome. Inyamutlha wena u le tikhuruxwini, hakuva u munhu wa nkhata.

Joba 31:7

Loku a nkonzo wa mina wu hambukile ndleleni, Ni loku a mbilu ya mina yi lanzela mahlo ya mina, Ni loku a bawa gi namarele mandleni ya mina;

Joba 31:22

Zonake ngha a woko ga mina giwa, gi suka laha katleni; Ni rambu ga woko ga mina a gi tshoveke.

Mitiro 16:28

Kanilezi Paule i lo vitana hi gezu ga hombe, aku: U nga ti lamati, hakuva hina hontlhe hi kona.