Tisimu 7:12 - Tshwa Bible

¹² Loku munhu a nga hunzuluki, i ta lota a supado yakwe; I kondlile a wura gakwe, a gi longisa. Deut. 32:41

Tisimu 7:12 Referans Kwoze

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Mateu 3:10

Hambu ni lezi a xihloka xi vekilwe mitswini ya tisinya; a tisinya tontlhe leti ti nga pswaliko mihanzu yi neno ti ta tsemiwa, ti hoxiwa nzilweni. Xip. 7:19; Lu. 13:7, 9; Joh. 15:6

Ezekieli 18:30

Hikwalaho nzi ta mu lamula, nwina va yindlu ya ka Israeli, munwe ni munwani kukotisa tindlela takwe, ku Wula Hosi Jehova. Wuyani, mu hunzuluka zihambunyetweni za nwina zontlhe, kasi a kugoha ka nwina ku nga mu lovisi.

Deuteronome 32:41

Loku nzi lota a xingwalangwanza xa tlhari ga mina, Ni loku nzi lamula hi canja ga mina, Nzi ta ti photela ka valala va mina, Nzi ta tlhelisela lava va nzi vengako.

Tisimu 85:4

Hi hunzulukele, Nungungulu wa kuhanyiswa ka hina, U tsika ku hi zangarela.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Ezekieli 21:23

A ka va le Jerusalema ku woneka ku khwatsi kuhlahluva ka mawunwa, ka vona lava va hlambanyileko zifungo. Kanilezi yena wa alakanya a kugoha kabye, lezaku va khomiwa.

Isaya 34:5

Hakuva a supado ya mina yi popilwe le tilweni, Langutani, yi ta relela hehla ka Edome, A ku ya lamula a tiko legi gi rukateleko.

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Tisimu 9:5

U pambule a vamatiko, u lovisa a vakubiha; U vinyile a mavito yabye kala kupinzuka ni kupinzuka.

Tisimu 129:4

Jehova i lulamile, I tsemile a madota ya vakubiha.