Tisimu 7:1 - Tshwa Bible

¹ Jehova, Nungungulu wa mina, nza chavela ka wena; Nzi ponise ka vontlhe lava va nzi xanisako, u nzi hlanguta,

Tisimu 7:1 Referans Kwoze

Tisimu 31:15

A zikhati za mina zi le mandleni ya wena; Nzi hlangute mandleni ya valala va mina, ni lava va nzi xanisako.

Habakuka 3:1

A mukombelo wa muprofeti Habakuka, wu yimbelelwa zinwe ni zitende.

1 Pedro 4:19

Hikwalaho lava va xanisekako hi kuranza ka Nungungulu, a va nyikele a mihefemulo yabye ka Muvangi a tsumbekileko, na va kari va maha lezi zi sasekileko. Tis. 31:5; Lu. 23:46

Zakaria 14:5

Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

Jeremia 31:18

Nzi zwile Efraime ku ti tsetsa, aku: U nzi tsayisile, nzi kwapiwa A ku fanana ni nkuzana yi nga tolovelangiko a muyoko; Nzi hunzuluse, kasi nza wuya, Hakuva hi wena Jehova Nungungulu wa mina.

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.

Jeremia 15:15

O Jehova, wena wa zi tiva, Nzi alakanye, u nzi enzela; Nzi photele ka vaxanisi va mina. Timisela ha mina, u nga nzi susi; Tiva lezaku nzi rukiwa hi kota ya wena.

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Tisimu 89:26

I ta nzi vitana, aku: Wena u dadani wa mina, Nungungulu wa mina, a ribye ga kuhanyiswa ka mina. 2 Sam. 7:14; 1 Kro. 17:13; Maheb. 1:5

Tisimu 43:4

Zonake nzi taya alatini ga Nungungulu, A Nungungulu loyi a nga kutsaka ka mina ka hombe; Nzi ta ku dumisa hi xitende, Nungungulu, Nungungulu wa mina.

Tisimu 32:10

A wakubiha i na ni zixaniso zo tala, Kanilezi loyi a tsumbako Jehova i ta mahelwa wuxinji.

Tisimu 30:12

Kasi a muhefemulo wa mina wu fela ku ku dumisa, wu nga miyeli. Jehova, Nungungulu wa mina, nzi ta ku bonga kala kupinzuka.

Tisimu 30:2

Jehova, Nungungulu wa mina, Nzi bile huwa ka wena, u nzi hanyisile.

Tisimu 26:1

Nzi yimele kulamulweni, Jehova; Hakuva nzi fambile hi wunene. Hakuva nzi tsumbile Jehova hi kungakanakaniwiko.

Tisimu 18:28

U maha kandiya ya mina yi hatima, Jehova, Nungungulu wa mina, i nzi woningela munyameni wa mina.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 13:5

Mina nzi tsumbile a wuxinji ga wena, A mbilu ya mina ya nengela kuhanyisweni ka wena.

Tisimu 13:3

Jehova, Nungungulu wa mina, nzi langutele, u nzi hlamula; Woningela mahlo ya mina, kasi nzi nga etleli wurongo ga kufa;

Tisimu 11:1

Mina nzi chavele ka Jehova. Mu wulisa kuyini ka mina, muku: Chavela xitsungeni xa wena kota xinyanyani?

Tisimu 3:7

Vuka Jehova! nzi ponise, O Nungungulu wa mina! Hakuva hi wena u bako a marama ya valala va mina vontlhe, U tshova meno ya vakubiha.

Joxua 14:8

Kanilezi a vanakulori lava nzi wa nga fambile zinwe navo va lo tsema mihlana ya vanhu, kanilezi mina nzi lo lanzela Jehova Nungungulu wa mina hi zinene.

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

Tisimu 25:2

Nungungulu wa mina, nzi ku tsumbile; Ngha nzi nga wiswi tingana. Ngha valala va mina va nga mahi migiyo ha mina.