Tisimu 68:8 - Tshwa Bible

⁸ A misava yi lo tsekatseka, Ni matilo ma lo nyeka mahlweni ka Nungungulu. Na Sinai i lo rurumela mahlweni ka Nungungulu, A Nungungulu wa Israeli. Ekso. 19:16, 18; Vala. 5:4

Tisimu 68:8 Referans Kwoze

Eksodusi 19:18

Zonake a xitsunga xa Sinai xi lo tuvika musi matlhelo wontihe, hakuva Jehova i wa relele ka xona na hi lomu nzilweni. A musi wa kona wu lo tuvikela hehla kotisa musi wa phingo ga nzilo. Zonake a xitsunga xontlhe xi lo tsekatseka nguvu. Deut. 4:11; Maheb. 12:18

Eksodusi 19:16

Hi siku ga wunharu laha na gi cile, ku wa hi kona kudzinza ni kuhatima, ni refu legi ga ntima na gi hi hehla ka xitsunga; ni kuvuma loku ka hombe ka punzu ku lo tinga. Zonake a vanhu vontlhe lava va nga hi lomu wugovelweni va lo rurumela.

Maheberu 12:26

loyi a gezu gakwe gi nga tsekatsekisa a misava a ka xikhati lexo; kanilezi makunu i tsumbisile, aku: Nza ha ta tsekatsekisa misava kanwe kambe, na ku nga hi yona yoce kanilezi ni tilo kambe. Ekso. 19:18; Hag. 2:6

Isaya 45:3

Nzi ta ku nyika titshomba ti fihlilweko. Ni cuma xi tumbetelweko matshanwini ya xihundla, Kasi wa fela ku tiva lezaku mina Jehova Loyi nzi ku vitanako hi vito ga wena, nzi Nungungulu wa ka Israeli.

Tisimu 77:18

A kudzinza ka wena ku lo zwala lomu ka xipupuri, A zingwalangwanza zi lo woningela misava; Ni misava yi lo rurumela, yi tsekatseka.

Tisimu 68:35

Nungungulu, wa chaveka le wu tshanwini ga wena go basa; Nungungulu wa Israeli i nyika ntamu ni kufuma ka vanhu vakwe. A khesiwe Nungungulu!

Tisimu 41:13

A bongiwe Jehova, a Nungungulu wa Israeli, Kusukela kupinzukeni kala kupinzuka! Amen, Amen!

Isaya 64:3

Laha na u mahile a zilo zo tshisa, Lezi hi nga kala hi nga rinzelangi, U lo chika kasi a zitsunga zi wa tsekatseka mahlweni ka wena.

Tisimu 114:7

Wena misava, rurumela mahlweni ka Hosi, Le mahlweni ka Nungungulu wa Jakobe;

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Habakuka 3:13

U humela ku ponisa a tiko ga wena, A ku hanyisa loyi a totilweko wa wena; U faya a langwa la yindlu ya vakubiha, U khungumula a yindlu kala xiseketelweni. (Sela.)

Isaya 64:1

O, loku ku wo khwatsi wa hanzula matilo u chika, Kasi a zitsunga zi wa ta tseka-tseka mahlweni ka wena, Vala. 5:4

Eksodusi 13:18

Hilezo i lo va hambukisa hi ndlela ya xiwula, hi tlhelo ga Bimbi go Pswhuka. A vanana va ka Israeli va lo huma tikweni ga Gipite na va hlomile.

Valamuli 4:14

Debora aku ka Barake: Suka, hakuva nyamutlha hi gona siku legi Jehova a nyikeleko Sisera canjeni ga wena! Jehova a nga ku rangelangi mahlweni ke? Zinghaho Barake i lo relela hi le xitsungeni xa Tabora ni 10,000 wa vavanuna.