Tisimu 62:12 - Tshwa Bible

¹² Ni wuxinji kambe gi lumba wena, Hosi; Hakuva u tlhelisela munhu ni munhu maringano ni mitiro yakwe. Rom. 2:6; 1 Kor. 3:8; Kuv. 22:12

Tisimu 62:12 Referans Kwoze

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Tisimu 103:8

Nungungulu i na ni wuxinji ni tipswalo, Wa nonoka ku zangara, i tele hi wunene. Ekso. 34:6; Joeli 2:13; Jona 4:2

Joba 34:11

Hakuva i tlhelisela munhu maringano ni ntiro wakwe, A mu nyika maringano ni mahanyela yakwe. Mat. 16:27; 1 Kor. 3:8; 2 Kor. 5:10

Va le Roma 2:6

loyi a ta nga tlhelisela munwe ni munwani kotisa mitiro yakwe. Mat. 16:27

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

1 Va le Korinte 3:8

Makunu loyi a byalako ni loyi a cheletelako mati va ecana; kanilezi munwe ni munwani i ta amukela a hakhelo yakwe khwatsi hi mitiro yakwe. Tis. 62:12; Rom. 2:6; Kuv. 2:23; 22:12

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Danieli 9:9

A Hosi Nungungulu wa hina i na ni wuxinji ni kutsetselela hambu lezi hi nga ti alisile.

Ezekieli 18:30

Hikwalaho nzi ta mu lamula, nwina va yindlu ya ka Israeli, munwe ni munwani kukotisa tindlela takwe, ku Wula Hosi Jehova. Wuyani, mu hunzuluka zihambunyetweni za nwina zontlhe, kasi a kugoha ka nwina ku nga mu lovisi.

Mavingu 24:12

Loku uku: Languta, a hi zi tivangi; oyi a pimako timbilu a nga zi woni ke? oyi a hlayisako muhefemulo wa wena a nga zi tivi ke? nga ta chachazela munwe ni munwani kota mitiro yakwe ke? Jer. 32:19; Rom. 2:6; Kuv. 22:12

Kuvululelwa 22:12

Languta, nzata lokuloku ni nchachazelo wa mina, kasi ku ta nyika munwe ni munwani kotisa lezi wu nga zona ntiro wakwe. Isa. 40:10; 62:11; Xip. 20:12

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

Va le Kolosi 3:25

Loyi a mahako kubiha i ta tlheliselwa hi kota ya kubiha loku a ku mahileko, hakuva a ku na kuhlawulwa munhu.

Va le Efesusi 6:8

Ma zi tiva lezaku kani hi xihi xilo xi nene lexi a munhu a xi mahako, xwalexo i ta xi amukela hi ka Hosi, kani i khumbi kutani hi loyi a tlhatlhekileko. Rom. 2:6; 2 Kor. 5:10

Danieli 9:18

Nungungulu wa mina, demba ndleve ya wena uzwa; vulula a mahlo ya wena u wona a marumbi ya hina, ni muti lowu wu vitanwako hi vito ga wena. Hakuva a hi veki mikombelo ya hina mahlweni ka wena hi kota ya kululama ka hina, kanilezi hi kota ya wuxinji ga wena ga hombe. Isa. 37:17; Tit. 3:5

Ezekieli 33:20

Nwina ma haku: A ndlela ya Hosi a yi lulamangi. Nwina va yindlu ya ka Israeli, nzi ta mu lamula nwentlhe, munwe ni munwani hi tindlela takwe. A mahungu ya kuwa ka Jerusalema.

Ezekieli 7:27

A hosi yi ta tlhava nkosi, a hosana yi chava nguvu, ni mandla ya vanhu va tiko ma ta rurumela. Nzi ta va tlhelisela kukotisa mahanyela yabye, nzi va lamula maringano ni kubiha kabye; vona va ta zi tiva lezaku nzi mina Jehova.

Jeremia 32:19

U wa hombe makungwini, u ni ntamu kumaheni; a mahlo ya wena ma wona a mahanyela wontihe ya vana va vanhu, kasi ku nyika ka munwe ni munwani kukotisa a hanyela gakwe, ni kukotisa a mbhanzu wa mitiro yakwe.

Tisimu 103:17

Kanilezi a wuxinji ga Jehova ga kala kupinzuka Ka vona lava va mu chavako, Ni kululama kakwe ka vazukulu, Ekso. 20:6; Deut. 7:9; Lu. 1:50

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

1 Kronekele 29:12

A mufumo ni wudumo zita hi ka wena; wena u fumelako zilo zontlhe; a ntamu ni wunhenha zi le canjeni ga wena; hi wena u zi kotako a ku nyika wukulu ni ntamu ka vontlhe.

Joba 9:19

Hi ku kumbuka ntamu, languta, hi yena Nyamintamu; Loku ku hi nongameto, i ngalo: Himani a to nzi ranisa?

Joba 33:14

Hakuva Nungungulu i wulawula kanwe; Ina kambiri, kanilezi a zi khatalelwi hi munhu.

Joba 37:23

Hi ku kumbuka Nyamintamu, hi nga kala hi nga mu kumi: I na ni ntamu wa hombe ni nongameto, i tele hi kululama, Cima a nga hlokisi.