Tisimu 60:2 - Tshwa Bible

² U tsekatsekisile misava, yi khayeka; Holisa a tifa ta yona, hakuva ya dzudzumela.

Tisimu 60:2 Referans Kwoze

2 Kronekele 7:14

loku a vanhu va mina lava va khongelako hi vito ga mina va ti sola, ni loku va khongela hi ku hlota a vito ga mina, va fularela a tindlela tabye to biha, mina nzi ta vazwa na nzi hi tilweni, nzi va tsetselela zionho zabye, nzi holisa a tiko gabye.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Jeremia 48:38

Ku na ni xirilo hehla ka tontlhe tiyindlu ta Moabi ni lomu maruweni wontihe; hakuva nzi panzile Moabi kukotisa a xibya xi nga vuniko, ku wula Jehova. Jer. 22:28; Hos. 8:8

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 4:24

Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Tisimu 18:7

A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

Mateu 27:51

Languta, a xisirelo xa tempeli xi lo hanzuka hi laha xikari, kusukela hehla kala lahasi; a misava yi lo tsekatseka, a maribye ma panzeka; Ekso. 26:31; 2 Kro. 3:14; Lu. 23:45

Habakuka 3:10

A zitsunga za ku wona, zi chava; Ku hunza a swinga wa mati. A kueta ku zwata a gezu ga kona, Ku tlakusa a mandla ya kona.

Amosi 8:8

A misava yi nga ta tsekatseka hi kota ya lezo ke, ni vontlhe a vaaki va yona va nga ta maha hlomulo ke? Ina, a misava yontlhe yi ta kukumuka ku fanana ni congo wa Nilo; yi ta vindluka yi tlhela yi bohla kukotisa congo wa le Gipite.

Jeremia 30:17

Hakuva nzi ta ku chuma, Nzi holisa a timbanga ta wena, ku wula Jehova; Hakuva u wuliwa Muhleleleki, Zioni loyi va nga mu khataleliko.

Jeremia 14:17

U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.

Tisimu 114:7

Wena misava, rurumela mahlweni ka Hosi, Le mahlweni ka Nungungulu wa Jakobe;

Joba 9:6

Loyi a tsekatsekisako misava wu tshanwini ga yona, Ni timhanze ta yona ti ninginizwa.

Isaya 7:8

Hakuva a zinza ga Siria hi Damaseku, ni hloko ya Damaseku hi Rezini; loku ku hunzile 65 wa malembe Efraime i ta hangalasiwa, a nga ta ha hlayiwa xikari ka matiko.

Tisimu 104:32

I cuwuka misava, yi rurumela, A khumba zitsunga, zi huma musi.

Tisimu 89:40

U hohlomele a lihlavu lakwe lontlhe, A makhokhola yakwe u ma mahile marumbi.

Joba 5:18

Hakuva wa bayisisa, a tlhela a bohelela timbanga; Wa khuvaza, a mandla yakwe ma tlhela ma holisa.

Mikosi 2:13

Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?

2 Samueli 22:8

Zonake a misava yi lo tsekatseka yi rurumela, Ni ziseketelo za tilo zi lo ninginizwa, Zi tsekatsekiswa hakuva yena i wa zangarile.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

2 Samueli 8:1

Anzhako ka lezo Davida i lolwa ni vaFilistia a va hlula, a teka zinza gabye mandleni ya vaFilistia.

1 Kronekele 18:3

I lo hlasela Hadarezera a hosi ya le Zoba, kusuhani ni le Hamate, kota lezi a nga wa yile ku ya tiyisa a mufumo wakwe le Congweni wa Eufrate.

1 Kronekele 18:5

A maSiria ya le Damasku ma lo ta vunetela Hadarezera a hosi ya le Zoba, Davida a daya 22,000 wa maSiria.

1 Kronekele 18:12

Abixai nʼwana Zeruia i lo hlasela 18,000 wa vaEdomi le nkoveni wa Munyu.