Tisimu 53:5 - Tshwa Bible

⁵ Va wa hi ni kuchava ka hombe lomo, Laha ku nga kala ku nga hi na nchumu wo chavisa; Hakuva Nungungulu i hangalasile a marambu ya lava va ku ranzelako; U va wisile tingana hakuva Nungungulu i va tsikile.

Tisimu 53:5 Referans Kwoze

Mavingu 28:1

A va kubiha va tsutsuma na va nga hlongolwi hi munhu; anilezi lava va lulamileko va tiya kota xinghalana. Levi 26:36

Levi 26:36

Kasike lava va ta nga pona, nzi ta va maha va tsemeka mihlana lomu matikweni ya valala vabye. A guwa ga tluka gi ta va hlongola, va tsutsuma khwatsi hi loku va tsutsuma mahlweni ka matlhari, va tawa na va nga hlongolwi hi munhu. Isa. 30:17

Levi 26:17

Nzi ta mu cuwukisa hi mahlo ya makayi, mu ta dawa hi valala va nwina, mu fumelwa hi lava va mu vengako; zonake mu ta tsutsuma na ku nga hi na muhlongolisi. Joba 36:12; Mav. 23:1

Ezekieli 6:5

Nzi ta veka a zirumbi za vana va ka Israeli mahlweni ka zifananiso zabye, nzi hangalasa a marambu ya nwina laha maganzelweni ya nwina.

Jeremia 6:30

Vona va ta wuliwa ku i siliva yi tsikilweko, hakuva Jehova i va tsikile.

Tisimu 141:7

A marambu ya hina ma hangalakile laha nyangweni ya Xeole, Khwatsi hi misava yi rimilweko yi vuxelwa.

1 Samueli 14:15

Ku wa hi ni nchavo ni kururumela lomu magovelweni ni lomu tikweni ni xikari ka vanhu vontlhe va tiko. A vavanuna va mabutho ni lava va nga wa fambile ku ya phanga, va lo rurumela hi ku chava na vonawu; ni misava yi lo tsekatsekiswa. Ku wa hi ni kuchaveka ka hombe ku tileko hi ka Nungungulu. Gen. 35:5; Ekso. 14:24

Tisimu 73:20

Khwatsi i noro loku hi vukile, Wena Hosi, loku u vuka u ta tlangamela xiwumbeko xabye.

Tisimu 40:14

Ngha va chelwa tingana ni ku kanganyiseka Vontlhe lava va hlotako wutomi ga mina kasi ku gi lovisa; A va tlheliselwa nzhako vaku koyo tingana Lava va tsakako hi kulamatwa ka mina.

Tisimu 35:26

Ngha va wiswa tingana, va kanganyiseka vontlhe lava va tsakako hi khombo ga mina; A va ambexwe hi tingana ni kungadzunziwi lava va ti kukumuxako va nzi vukela.

Tisimu 35:4

Ngha va kanakana, va wiswa tingana lava va hlotako wutomi ga mina; A va tlheliswe nzhako va kanganyiseka lava va lavako ku nzi lamata.

Tisimu 14:5

Va wa hi ni kuchava ka hombe lomo; Hakuva Nungungulu i lomu zizukulwaneni xa valulamileko.

Tisimu 2:4

Loyi a tshamileko matilweni wa hleka, A Hosi yi va tseketsela.

Mikosi 2:6

I hahlule a tabemakeli gakwe aku khwatsi gi wova simu; a fuvisa a wutshamu gakwe ga tihlengeletano. Jehova i mahile a va le Zioni va rivala a mitlhangano ya zimuse ni tisabado, Hi kota ya zanga yakwe a nyenya a tihosi ni vapristi.

Joba 15:21

A guwa ga kuchaviseka ga zwala tindleveni ta yena; Hambu loku ku rulile a mulovisi i ta wela hehla kakwe. Levi 26:36; Deut. 28:65

Jeremia 49:15

Hakuva nzi ku mahile tsongwani xikari ka matiko, ni wo kanyiseka xikari ka vanhu.