Tisimu 50:3 - Tshwa Bible

³ Nungungulu wa hina wata, a nga ta miyela. A mahlweni kakwe ku na ni nzilo lowu wu lovisako, I renzelekelwe hi bhubhutsa ga ntamu.

Tisimu 50:3 Referans Kwoze

Danieli 7:10

Ku lo huma a congo wa nzilo hi le mahlweni kakwe, a mazana ya mazana ma lo mu khozela, ni 10,000 ma wuyetilweko hi 10,000 ma lo yima mahlweni kakwe. Ku wa hi ni hubye yo lamula, ku vululiwa mabhuku. Kuv. 5:11; 20:12

Mitsengo 16:35

Ni nzilo wu lota hi ka Jehova, wu ta lovisa lava va 250 wa nga wa hisile tibani.

Levi 10:2

Zoriake a nzilo wu lo huma hi le mahlweni ka Jehova, wu va hisa vafa mahlweni ka Jehova.

Mateu 3:12

A lihlelo lakwe li le canjeni gakwe, yena i ta swiyelisisa a wuhulelo gakwe, a hlengeletela a mavele yakwe magombeni yakwe, kanilezi a mungu i ta wu hisa hi nzilo wu nga timekiko. Mal. 3:3; Xip. 13:30

Kuvululelwa 22:20

Loyi a nga kustumunyu wa timhaka leti i ngalo: Ina, nzata lokuloku. Amen! Tana Hosi Jesu! 2 Tim. 4:8

Maheberu 12:29

hakuva Nungungulu wa hina i nzilo lowu wu hisako. Isa. 66:15; Deut. 4:24; Tis. 50:3

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Habakuka 3:5

A ntungu wa mu rangela mahlweni, A kufa loku ku hisako ku mu lanza hi lenzhako.

Tisimu 96:13

Mahlweni ka Jehova hakuva wata, Hakuva i tela ku ta lamula misava, I ta lamula tiko hi nongameto, Ni matiko hi kutsumbeka kakwe. Miti. 17:31

Tisimu 83:1

Nungungulu, u nga miyeli, U nga rutisi, Nungungulu, u nga su tiwitiwi bhi!

Tisimu 68:20

Ka hina Nungungulu hi Nungungulu loyi a hanyisako; Jehova a Hosi wa zi kota ku hanyisa kufeni. Kuv. 1:18

Tisimu 50:21

Lezi zilo u zi mahile, kanilezi mina nzi lo rutisa, U kala u alakanya lezaku mina nzi fana na wena. Kasike nzi ta ku laya, nzi xaxameta zontlhe mahlweni ka wena.

Tisimu 48:14

Hakuva Nungungulu loyi, i Nungungulu wa hina kala kupinzuka; I tava murangeli wa hina kala kufeni.

Deuteronome 9:3

Zi tive inyamutlha lezaku Jehova Nungungulu wa wena hi yena a ta nga tlhatuka zinwe na wena, na a famba mahlweni ka wena khwatsi hi nzilo lowu wu hisako; hi yena a ta nga va lovisa, a va koramisa mahlweni ka wena; zonake wena u ta va hlasela u va lovisa vontlhe hi xihatla khwatsi hi lezi Nungungulu a ku byelileko. Maheb. 12:29

Eksodusi 19:18

Zonake a xitsunga xa Sinai xi lo tuvika musi matlhelo wontihe, hakuva Jehova i wa relele ka xona na hi lomu nzilweni. A musi wa kona wu lo tuvikela hehla kotisa musi wa phingo ga nzilo. Zonake a xitsunga xontlhe xi lo tsekatseka nguvu. Deut. 4:11; Maheb. 12:18

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Ezekieli 1:4

Nzi lo cuwuka nzi wona a mheho ya xipupuri na yita hi Nwalungu, ni refu ga hombe gi nga hi ni nzilo wa hombe wu nga woninga matlhelo wontihe, ku huma hi lomu xikari ka wona a kungangamela ko fanana ni ka suku.