Tisimu 49:15 - Tshwa Bible

¹⁵ Kanilezi Nungungulu i ta tirula muhefemulo wa mina ntanwini wa Xeole, Hakuva i ta nzi amukela. (Sela.)

Tisimu 49:15 Referans Kwoze

Tisimu 73:24

U ta nzi rangela hi wusungukati ga wena, Zonake u nzi amukela wukosini ga wena.

Tisimu 56:13

Hakuva u ponisile a muhefemulo wa mina kufeni, Ni mikonzo ya mina le kuweni; A kuva nzi famba mahlweni ka Nungungulu, Lomu kuwonekeleni ka vahanyako.

Tisimu 86:13

Hakuva a wunene ga wena ka mina ga hombe, U ponisile a muhefemulo wa mina kueteni ka Xeole.

Tisimu 89:48

Himani loyi a hanyako, loyi a to kala a nga woni kufa ke? Himani a nga tlhatlhisako muhefemulo wakwe hi le Xeole ke? (Sela.)

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24

Genesisi 5:24

Enoki i lo famba zinwe na Nungungulu; na yena i lo nyamalala, hakuva i lo tekwa hi Nungungulu. Maheb. 11:5

Mitiro 7:59

Va lo gandla Stefani hi maribye, na a kari a vitana Hosi, aku: Hosi Jesu, amukela a moya wa mina.

Johani 14:3

Hambu loku nzi famba nzi ya mu longisela wutshamu, nzi ta wuya kambe, nzi ta mu teka muta ka mina; kasi laha nzi nga kona, mu fela kuva kona na nwinawu. Miti. 1:11; 1 Tes. 4:17

Luka 23:46

Zonake Jesu i lo vitana hi gezu ga hombe, aku: Dada, nza nyikela moya wa mina mandleni ya wena. Na a wulile lezo i lofa. Tis. 31:5; 1 Ped. 2:23

Tisimu 31:5

Nza nyikela a moya wa mina canjeni ga wena; U nzi tirulile, wena Jehova, Nungungulu wa lisine. Lu. 23:46; Miti. 7:59

Kuvululelwa 14:13

Nzi lozwa a gezu ga le tilweni, giku: Tsala uku: Va katekile a vafileko lava va felako Hosini ku sukela lezi! A Moya wuku: Ina, va ta humula mitirweni yabye, hakuva a mitiro yabye ya va lanzela. 1 Tes. 4:16; 2 Tes. 1:7; Maheb. 4:9, 10