Tisimu 47:5 - Tshwa Bible

⁵ Nungungulu i tlakukele hehla hi kukanyuluka ka litsako, Jehova i humele ni guwa ga mimpunzu.

Tisimu 47:5 Referans Kwoze

Tisimu 68:33

Leyi yi tako na yi khilele a matilo ya kale ka matiko; Languta, wa humesa gezu gakwe hi ntamu. Deut. 33:26

1 Va le Tesalonika 4:16

Hakuva yona Hosi wutsumbu yi ta relela hi le tilweni hi huwa yi leletelako, ku zwala a gezu ga ngelosi ya hombe ni mpunzu wa Nungungulu; lava va fileko ka Kristu va ta vuka kuranga. Mat. 24:30; Miti. 1:11; 2 Tes. 1:7

1 Va le Korinte 15:52

hi xikhatanyana xo fanana ni kutsopeta ka tihlo, loku ku biwa a mpunzu wo gumesa; hakuva a mpunzu wu ta biwa, zonake a vafileko va ta vuka va nga ha boli kambe, na hina hi ta hunzuluswa xiyimo. Mat. 24:31

Tisimu 150:3

Mu dumiseni hi mimpunzu. Mu dumiseni hi timbila ni xitende.

Tisimu 78:65

Zonake a Hosi yi lo khindlimuka khwatsi yi wa hi kuetleleni, Khwatsi hi nhenha yi kanyulukiswako hi byala.

2 Samueli 6:15

Zinghaho Davida zinwe ni yindlu yontlhe ya ka Israeli, va lo neha a arke ga Jehova hi kukanyuluka ni guwa ga mipunzu.

Joxua 6:5

Laha va ta ngaba a mipunzu va lehisa, loku muzwa a kuvuma ka mipunzu vontlhe va ta kanyuluka hi gezu ga hombe, ni khokhola ga muti gi tawa hasi, zonake a vanhu va ta enghena, loyi ni loyi aya mahlweni kakwe.

Mitsengo 23:21

A nzi kumi khombo ka Jakobe, Hambu ni ku wona kukarateka ka Israeli. Jehova, Nungungulu wakwe, i zinwe na yena, I Hosi yabye leyi va mahako guwa ga ku yi tsakela.

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Tisimu 98:6

Hi tinanga ni guwa ga makhombela, Hlalelani mahlweni ka Jehova, a Hosi.

Tisimu 81:3

Kuwonekeni ka hweti banani mpunzu, Wu biwa ni xikhatini xa babani, Hi siku ga mubuzo wa hina. Ekso. 12:1; Levi 23:5; Deut. 16:1

1 Kronekele 16:42

Hemani na Jedutuni va wa hlayisa a mipunzu ni tingomana ta vayimbeleli ni timbila to yimbelela a tisimu ta Nungungulu; a vana va Jedutuni va wa hi vahlayisi va tinyangwa.

1 Kronekele 15:28

Zinghaho vontlhe va ka Israeli va lo neha a arke ga xivumelwano xa Jehova, na va kari va kanyuluka hi litsako; na vaba a miparatana, ni mipunzu, ni tingomana, ni zitende, ni timbila.

1 Kronekele 15:24

Xebania na Joxafate na Netaneli, na Amasai, na Zakaria, Beneia, na Eliezere, va wa hi vapristi kuba mipunzu mahlweni ka arke ga Nungungulu; Obed-Edomi, na Jehia, va wa hi vahlayisi va tinyangwa ta arke.

Ezekieli 20:6

A siku lego nzi lo tsumbisa hi ku hlambanya lezaku nzi ta va humesa tikweni ga Gipite nzi va yisa tikweni legi nzi gi hlawuleleko vona, legi gi khulungako a masi ni wulombe, gi sasekileko ku hunza wontihe matiko.

Amosi 8:7

Jehova i hlambanyile hi matshanza ya Jakobe, aku: Hizinene cima nzi nga ta rivala ni wunwe wa mitiro yabye.

Malaki 2:3

Nzi ta goha a woko ga nwina, nzi xwanya koho tinghoheni ta nwina, wu nga koho wa miphahlo ya nwina, mu hoxiwa handle nawo.