Tisimu 4:3 - Tshwa Bible

³ Tivani lezaku Jehova i ti hlawulele a munhu nene; Jehova i ta nzizwa loku nzi vitana ka yena.

Tisimu 4:3 Referans Kwoze

Johani 15:16

A hi nwina mu nga nzi hlawula, kanilezi hi mina nzi mu hlawulileko, nzi mu yimisa lezaku mu ya pswala mihanzu, ni mihanzu ya nwina yi simamisa; kasi ni xihi lexi mu ta nga mu kombela Dadani hi vito ga mina, a fela ku mu nyika xona. Mat. 28:19; Xip. 14:13; 1 Joh. 4:10

Tisimu 34:15

A mahlo ya Jehova ma tsonometa a valulamileko; Ni tindleve takwe ti kangatele huwa yabye. 2 Kro. 16:9

2 Pedro 2:9

A Hosi ya zi kota ku hlanguta kuringweni lava va chavako Nungungulu, ni ku khoma a vangalulamangiko va tsayiswa kala sikwini ga kulamulwa; Tis. 34:17; 1 Kor. 10:13

2 Timote 2:19

Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Eksodusi 33:16

Zi ta tibyiswa kuyini lezaku mina ni vanhu va wena hi kumile thomo mahlweni ka wena? Xana a hi loku u famba zinwe na hina ke? Zi nga lezo mina ni vanhu va wena hi ta nga woneka na hi hambene ni vontlhe vanhu lava va nga laha misaveni.

Tisimu 6:8

Sukani ka mina, nwina nwentlhe vamahi va kubiha; Hakuva Jehova i zwile a kurila ka mina.

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

Tisimu 50:5

Tsombanyisani a vobasa va mina vata ka mina, Lava va mahileko a xivumelwano zinwe na mina hi muphahlo.

Tisimu 31:23

Ranzani Jehova nwina nwentlhe vobasa vakwe. Jehova wa hlayisa lava vo tsumbeka, A tlhelisela loyi a ti kulisako lezi zi mu faneleko.

Tisimu 56:9

Zonake a valala va mina va ta tlhelela nzhako hi siku legi nzi rilako; Lezo nza zi tiva, hakuva Nungungulu i na mina.

Tisimu 49:3

A nomu wa mina wu ta wulawula wutlhari; Ni kuehleketa ka mbilu ya mina ku tava ka kupimisisa.

Tisimu 62:10

Mu nga tsumbi tihanyi, Ge hambu ku ti kulisa hi wukhamba; Loku kufuma ku enzeleka, mu nga zi khataleli. Joba 31:24; Lu. 12:16; 1 Tim. 6:17