Tisimu 39:12 - Tshwa Bible

¹² Jehova, zwana mukombelo wa mina, dembela ndleve kurileni ka mina, U nga miyeli loku nzi kari nzi rila mihloti; Hakuva nzi mupfhumba ka wena, Nzi muluveli khwatsi hi vadadani va mina vontlhe. Gen. 47:9; Maheb. 11:13; 1 Ped. 2:11

Tisimu 39:12 Referans Kwoze

1 Pedro 2:11

Varanzekako, nza mu khongotela kota lezi mu nga valuveli ni vaenzi, lezaku mu tsika a kumbilukela ka nyama, loku ku lwako ni muhefemulo;

Maheberu 11:13

Vontlhe lava va lofa kukholweni, na va nga se ku amukela lezi zi tsumbisilweko, kanilezi va wa zi wonile, va zi tsakela na zi hi kule, va ti wula lezaku vapfhumba ni vaenzi laha misaveni. Gen. 23:4; 47:9; Joh. 8:56

Tisimu 119:19

Nzi muenzi laha misaveni; U nga nzi fihleli zileletelo za wena. 1 Kro. 29:15; Maheb. 11:13

Levi 25:23

A masimu ma nga xaviselwi magumo, hakuva a misava nja mina; hakuva nwina mu valuveli ni vaenzi ka mina.

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

Tisimu 56:8

U hlayile a masiku ya kunzulanzula ka mina; Chela a mihloti ya mina lomu ka nghotso ya wena; A yi tsaliwangi lomu bhukwini ga wena ke?

1 Kronekele 29:15

Hakuva hina hi valuveli ni vaenzi mahlweni ka wena, kota vontlhe vadadani va hina; a masiku ya hina laha misaveni ma fanana ni nzhuti, a ku na kutsumba laha. Levi 25:23; Joba 8:9; Maheb. 11:13

2 Tihosi 20:5

Tlhela uya ka Hezekia, a murangeli wa vanhu va mina, u yaku kakwe: Jehova Nungungulu wa dadani wa wena Davida, i ngalo: Nzi zwile mukhongelo wa wena, nzi wonile mihloti ya wena; nzi ta ku hanyisa. Hi siku ga wunharu u ta kanziha uta ndlwini ya Jehova.

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

Tisimu 116:3

A magota ya kufa ma nzi tsonzele, Ni kubayisa ka Xeole ku nzi khomile, Nzi kumile kuxaniseka ni khombo. 2 Sam. 22:5

Joba 16:20

A vanghana va mina va nzi monya; A mahlo ya mina ma halata mihloti ka Nungungulu,

2 Samueli 16:12

Kutani Jehova i ta cuwuka kuxaniseka ka mina, zonake a nzi nyika kurula hi kota ya kurukatela kakwe ka nyamutlha.

2 Va le Korinte 5:6

Hikwalaho hi tiyilehlana xontlhe xikhati, na hi tiva lezaku loku ha ha tshamile mirini lowu, hi le kule ni Hosi,

Tisimu 102:1

Zwana mukombelo wa mina, Jehova; A kurila ka mina a kute ka wena.

Tisimu 119:54

A ziyimiso za wena tisimu ta mina, A ndlwini ya wuenzi ga mina.

Genesisi 21:34

Abrahama i lo tshama lomo tikweni ga maFilistia masiku yo tala.

Joba 13:28

Kasi nza mbheteka ku fanana ni xilo xi bolileko; Ku fanana ni nguwo leyi yi gilweko hi sumba.

Tisimu 90:9

Hakuva wontihe masiku ya hina ma hunza hi kota ya khulo ga wena, A malembe ya hina ma mbhela khwatsi i pfumawulo.