Tisimu 37:28 - Tshwa Bible

²⁸ Hakuva Jehova wa ranza kululama, A nga tsiki a vobasa vakwe; Va hlayiseka kala kupinzuka, Kanilezi a pswalo wa vakubiha wu ta lobyiswa.

Tisimu 37:28 Referans Kwoze

Tisimu 11:7

Hakuva Jehova i lulamile, I ranza mitiro yo lulama; A valulamileko va ta wona a nghohe yakwe.

Mavingu 2:22

Kanilezi a vakubiha va ta susiwa laha misaveni, i vakanganyisi va ta tsuwulwa ka yona.

Tisimu 21:10

U ta lovisa a pswalo wabye laha misaveni, Ni lixaka labye li ta fuva xikari ka vanana va vanhu.

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Juda 1:1

Mina Juda, nzi nga nanza ga Jesu Kristu, a nakulobye wa Jakobe, nza rungula lava va vitanilweko, va nga lava va ranzekako ka Nungungulu Dadani, va hlayiselweko Jesu Kristu, nziku: Lu. 6:16; Joh. 17:11; Rom. 1:7

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

Joba 27:14

Loku a vana vakwe va anza, va ta dawa hi supado; Ni vazukulu vakwe va nga ta xura hi zakuga. 2 Tih. 10:7

1 Johani 2:19

Va humele xikari ka hina, kanilezi va wa nga hi va hina; hakuva loku va wa hi va hina, ngha va simamisile zinwe na hina; kanilezi va lo huma kasi ku fela ku woneka lezaku vontlhe a hi va hina. Joh. 6:37; Miti. 20:30; 1 Kor. 11:19

Johani 15:9

Khwatsi hilezi Dadani a nzi ranzileko, hizalezo na mina nzi mu ranzile; tshamani liranzweni la mina.

Johani 5:24

Hizinene, nziku ka nwina: Loyi a zwako a mhaka ya mina, ni ku kholwa loyi a nzi rumileko, i na ni wutomi ga pinzukelwa; zonake a ngati kulamulweni, kanilezi i humele kufeni, a enghena wutomini. Xip. 3:16, 18; 6:40, 47; 1 Joh. 3:14

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Tisimu 37:40

Jehova wa va vuna, a va hlangu ta; I va hlanguta ka vakubiha, a va hanyisa, Hakuva va chavele kakwe. Dan. 6:23

Jeremia 9:24

Kanilezi ngha loyi a ti dzunzako a ti dzunzela mhakeni leyi, Lezaku a hi ni kuzwisisa a nzi tiva, Lezaku hi mina Jehova nzi mahako wuxinji, ni kulamula ni nongameto laha misaveni; Hakuva nza xalaliswa hi zakunghahi, ku wula Jehova. 1 Kor. 1:31; 2 Kor. 10:17

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Tisimu 99:4

A hosi ya ranza nongameto ntanwini wa yona. Wena u tiyisa kululama, U tira nongameto ni kulongama ka Jakobe. Isa. 9:7

Tisimu 37:25

Nzi wa hi muswa, makunu nzi wa kale, Kanilezi a nzi se nga wona a wakululama a tsikiwa, Ge hambu ku wona a vanana vakwe va kombela zakuga.

Joba 18:19

Cima a nga ta kuva na nʼwana hambu zukulu lomu tikweni ga ka kabye; Ku nga ta sala ni munwe wuakelweni gakwe. 2 Tih. 10:11, 17

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19