Tisimu 37:25 - Tshwa Bible

²⁵ Nzi wa hi muswa, makunu nzi wa kale, Kanilezi a nzi se nga wona a wakululama a tsikiwa, Ge hambu ku wona a vanana vakwe va kombela zakuga.

Tisimu 37:25 Referans Kwoze

Maheberu 13:5

Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5

Tisimu 37:28

Hakuva Jehova wa ranza kululama, A nga tsiki a vobasa vakwe; Va hlayiseka kala kupinzuka, Kanilezi a pswalo wa vakubiha wu ta lobyiswa.

Tisimu 112:2

A pswalo wakwe wu tava ni ntamu misaveni, A xizukulwana xa vakululama xi ta katekiswa.

Tisimu 25:13

Yena wutsumbu i ta tshameka khwatsi, Ni pswalo wakwe wu ta fumela tiko.

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.

2 Va le Korinte 4:9

Ha xanisiwa, kanilezi a hi tsikelwangi magumo; hi bilwe, kanilezi a hi dawangi.

Tisimu 94:14

Hakuva Jehova a nga ta hoxa tiko gakwe, Hambu ku tsika a tshomba yakwe.

Tisimu 71:18

Nungungulu, u nga nzi tsiki laha na nzi khosahele, nziva ni wuvu; Kala nzi eletela hi woko ga wena a ka xizukulwana xi tako, Ni ntamu wa wena ka vontlhe lava va ha tako. Isa. 46:4

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Mavingu 13:22

A munhu nene wa siyela vazukulu vakwe a tshomba; anilezi a tshomba ya muonhi yi siyelwa valulamileko.

Tisimu 71:9

U nga nzi hoxi xikhatini xa wukhosana, U nga nzi tsiki laha wu mbhelileko a ntamu wa mina.

Mitiro 21:16

A vapizani vo kari va le Kesaria va lo famba na hina, lava va nga hi heleketa ka Mnasoni wa le Kupero, a mupizani wa kale, loyi a nga te ngha a hi rurele.

Joba 15:23

Wa nzulanzula a lava zakuga, aku: Zi kwihi ke? Na a tiva lezaku a siku ga munyama gi mu chikelele.

Isaya 13:16

A zihlangi zabye zi ta pswhandlasiwa mahlweni kabye, A tiyindlu tabye ti ta phangiwa, ni vasati vabye va gohiwa.

Tisimu 59:15

Va tsenzeleka va hlota zakuga, Va pilekana wusiku gontlhe loku va nga xuri, Isa. 8:21

Tisimu 109:10

A vanana vakwe a va mahe vapepetseki ni vakombeli, Ngha va lava xibaba xabye kule ni miti yabye yi hahlukileko.

Joba 4:7

Hi nga alakanya, himani a nga nga lova na a nga hi na nanzu ke? Hambu kutani, hi kwihi a valulamileko va nga nga lobyiswa ke?