Tisimu 35:10 - Tshwa Bible

¹⁰ A marambu ya mina wontihe ma taku: Jehova, himani a fananako na wena, Loyi a tlhatlhisako a xisiwana ka loyi a mu tlulako hi ntamu, Ina, loyi a tsimbeketilweko ni muvumali a ka loyi a mu wutlelako ke?

Tisimu 35:10 Referans Kwoze

Tisimu 140:12

Nza tiva lezaku Jehova i ta lamulela lava va hlokiswako, Ni ku lulamisa a mhaka ya lava va vumalako.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Tisimu 109:31

Hakuva i yimile canjeni ga xinene ga loyi a vumalako, A mu ponisa ka lava va lamulako muhefemulo wakwe.

Tisimu 86:8

Xikari ka vanungungulu a nga kona a fananako na wena, Hosi, A yi kona mitiro yi fananako ni ya wena. Ekso. 15:11; Deut. 3:24

Tisimu 71:19

Nungungulu, a kululama ka wena ku tlakukile nguvu, U mahile zilo za hombe, Nungungulu, himani a ringanako na wena ke? Ekso. 15:11; 2 Sam. 7:22

Tisimu 51:8

Maha mina nzizwa a kutsaka ni kunengela, Kasi a marambu laya wena u ma tshovileko ma fela ku tsaka.

Tisimu 18:17

I lo nzi hlanguta ka nala wa mina wantamu, Ni ka lava va nzi vengako, hakuva va lo nzi hlula. 1 Sam. 23:1

Tisimu 38:3

A ku na wutomi mirini wa mina hi kota ya zanga ya wena; A ku na kuhanya marambyini ya mina hi kota ya xionho xa mina.

Tisimu 34:20

Wa hlayisa marambu yakwe wontihe, Ku nga ta tshoveka hambu ni ginwe. Ekso. 12:46; Mat. 10:30; Joh. 19:36

Tisimu 32:3

Laha nzi nga miyela a marambu ya mina ma lo gutlagutla Hi kuketa ka mina gontlhe siku.

Tisimu 22:14

Nzi halatilwe lahasi kota mati, A marambu, ya mina ma khuyukele; A mbilu ya mina yi fanana ni sera, Yi nyekile nzeni ka mina.

Tisimu 10:14

Wena u zi wonile, hakuva u wona a kuxaniseka ni hlomulo, U zi khoma hi canja ga wena; Loyi a nga hlomulweni i ti nyikela ka wena; Hi wena muvuni wa zisiwana.

Isaya 40:25

Mu ta nzi fananisa na mani loyi nzi ta nga ringana naye ke? Ku wutisa Loyi a Basileko.

Isaya 40:18

Nungungulu mu ta mu fananisa na mani, Hi xihi xifananiso mu ta nga xi maha xo ringana naye?

Tisimu 102:3

Hakuva a masiku ya mina ma nyamalala khwatsi i musi, Ni marambu ya mina ma swile khwatsi xikungusa,

Tisimu 69:33

Hakuva Jehova wazwa lava va vumalako, A nga kanyisi a tiperesu takwe. Mat. 5:3

Tisimu 37:14

A vakubiha va hlomula supado, va kondla mawura, Kasi ku wisa lava va vumalako ni zisiwana, Ni ku daya lava va nga ni hanyela gi lulamileko.

Tisimu 34:6

A munhu loyi wa xisiwana i lo kombela, na Jehova i lo ingisa, A mu ponisa zikaratweni zakwe zontlhe.

Tisimu 22:24

Hakuva a nga kanyisangi hambu ku nyenya a kuxaniseka ka loyi a xanisekako, Cima a nga mu fihlelangi a nghohe yakwe; Kanilezi i lo muzwa laha a nga mu rilela.

Jeremia 10:7

O Hosi ya matiko, himani a nga ku chaviko? U fanele ku chabyiwa, Hakuva xikari ka tontlhe titlhari ta vamatiko, Ni ka mifumo yabye yontlhe, Cima a nga kona loyi; a fananako na wena. Kuv. 15:8

2 Samueli 22:18

A nzi tlhatlhisa ka nala wa mina wa ntamu, Ni ka lava va nzi vengako, hakuva va wa nzi hlula.

Tisimu 51:10

Nungungulu, nzi vangele a mbilu yi hlazekileko; Vuxa luswa a moya wa kutiya xikari ka mina.

Tisimu 103:6

Jehova wa yimela hi nongameto Vontlhe lava va tsimbeketilweko.

Tisimu 140:13

Futsi, a vakululama va ta dumisa vito ga wena, Lava va lulamileko va ta tshama mahlweni ka wena.

Tisimu 146:7

Loyi a lamulelako lava va tsimbeketilweko, Loyi a gisako lava va nga ni ndlala. Jehova Wa tlhatlhisa lava va nga makhotsweni.

Jeremia 20:13

Yimbelelani ka Jehova, Mu mu dzunza Jehova; Hakuva wa ponisa a muhefemulo wa loyi a vumalako A mandleni ya vobiha.