Tisimu 31:2 - Tshwa Bible

² Releta a ndleve ya wena ka mina, hatlisa u nzi ponisa; Ngha uve ribye ga wuchavelo ga mina, Ni khokhola go nzi hanyisa.

Tisimu 31:2 Referans Kwoze

Tisimu 102:2

U nga nzi fihleli nghohe ya wena sikwini ga khombo, Koramisa a ndleve ya wena loku nzi vitana, Hatlisa u nzi hlamula.

Tisimu 86:1

Jehova, koramisa a ndleve ya wena u nzi hlamula, Hakuva nzi muxaniseki ni muvumali.

Tisimu 130:2

Hosi, zwana gezu ga mina; A tindleve ta wena ngha ti ingisa A gezu ga mikhongelo ya mina.

Deuteronome 32:31

Hakuva a ribye ga vanwani a gi koti a Ribye ga hina, Valala va hina va vumela mhaka leyi.

1 Johani 4:12

A ku na munhu a wonileko Nungungulu ni siku ni ginwe. Loku hi ranzana, Nungungulu i tshamile ka hina, ni liranzo lakwe li mbhelelisilwe ka hina.

Johani 6:56

Loyi a gako a nyama ya mina, anwa a nkhata wa mina, i tshama nzeni ka mina, na mina nzeni kakwe. 1 Joh. 3:24; 4:15, 16

Luka 18:8

Nziku ka nwina: I ta va photela hi kuhatlisa. Ahemba-lokoke, laha Nʼwana wa munhu a ta nga wuya, i ta ta kuma kukholwa misaveni ke? Maheb. 10:37; 2 Ped. 3:8, 9

Isaya 33:16

Hi yena a ta nga aka wutshanwini gi tlakukileko, A wuchavelo gakwe gi tava khokhola ga maribye, I ta nyikwa zakuga zakwe, ni mati yakwe ma nga tapswha.

Mavingu 22:17

Koramisa a ndleve ya wena uzwa a timhaka ta titlhari, U nyikela a mbilu ya wena wutivini ga mina.

Tisimu 143:7

Jehova, hatlisa u nzi hlamula, A moya wa mina wa mbhela ntamu; U nga nzi fihleli nghohe ya wena, Kasi nzi nga fani ni lava va relelako nkeleni.

Tisimu 94:22

Kanilezi Jehova hi khokhola ga mina, Nungungulu wa mina hi ribye ga wuponelo ga mina.

Tisimu 91:9

Lezi u nge ngalo: Wena Jehova u wuchavelo ga mina. U ti hlawulele loyi a Hunzeleleko Kutlakuka akuva a kaya ka wena.

Tisimu 90:1

Hosi, u wa hi wutshamu ga kuaka ka hina, A ka xizukulwana ni xizukulwana.

Tisimu 79:1

Nungungulu, a vamatiko va enghenile tshombeni ya wena, Va hanahanisile a tempeli ya wena ya kubasa, Jerusalema va gi mahile marumbi.

Tisimu 69:17

U nga fihleli a nanza ga wena a nghohe ya wena, Hakuva nzi le mhangweni, hatlisa ku nzi hlamula.

Tisimu 62:7

A kuhanyiswa ka mina ni wudzunzo ga mina zi ka Nungungulu; A ribye ga ntamu wa mina, ni wuchavelo ga mina zi le ka Nungungulu.

Tisimu 40:17

Mina nzi loyi a xanisilweko, nzi muvumali, Kanilezi Jehova wa nzi alakanya; Wena u muvuni wa mina ni mutiruli wa mina, U nga hlweli, O Nungungulu wa mina.

Joba 7:21

Hikuyini u nga tsetseleliko zihambunyeto za mina, U susa kugoha ka mina ke? Hakuva lokuloku nzi ta etlela tshurini, Loku u nzi lava ni mixo, nzi ta vumaleka.

2 Samueli 22:3

Nungungulu wa mina, a ribye ga mina legi nzi chavelako ka gona, A xitlhangu xa mina, ni limhonzo la kuhanya ka mina, Ni khokhola ga mina gi tlakukileko, ni wuchavelo ga mina! Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13

Tisimu 7:2

Kasi va nga dzuki va nzi hanzula khwatsi tinghala, Va nzi hanzulela na a nga hi kona wo nzi lwela.

Tisimu 25:2

Nungungulu wa mina, nzi ku tsumbile; Ngha nzi nga wiswi tingana. Ngha valala va mina va nga mahi migiyo ha mina.