Tisimu 29:11 - Tshwa Bible

¹¹ Jehova i ta nyika ntamu ka vanhu vakwe; Jehova i ta katekisa tiko gakwe a gi nyika kurula.

Tisimu 29:11 Referans Kwoze

Isaya 40:31

Kanilezi lava va lavelelako Jehova va ta kuma ntamu muswa, Va ta puruma ku fanana ni magama, Va ta tsutsuma va nga karali, Va ta famba va nga rereki.

2 Va le Tesalonika 3:16

Makunu ngha Hosi ya kurula wutsumbu ga yona yi mu nyika kurula xontlhe xikhati matlhelweni wontihe. A Hosi a yive na nwina nwentlhe.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Isaya 40:29

Wa nyika ntamu ka lava va rerekileko, A tiyiseta lava va nga hava ntamu.

Tisimu 68:35

Nungungulu, wa chaveka le wu tshanwini ga wena go basa; Nungungulu wa Israeli i nyika ntamu ni kufuma ka vanhu vakwe. A khesiwe Nungungulu!

Tisimu 37:11

Kanilezi lava va rulako va taga tshomba ya tiko, Va ta xalaliswa hi kurula ka hombe. Mat. 5:5

1 Va le Korinte 1:3

A tipswalo a tive ka nwina ni kurula ka le ka Nungungulu a Dadani wa hina, ni ka Hosi Jesu Kristu.

Va le Roma 14:17

Hakuva a mufumo wa Nungungulu a hi kuga ni kunwa, kanilezi hi kululama ni kurula ni kutsaka hi Moya wa ku Basa. 1 Kor. 8:8

Johani 14:27

A kurula nza ku siya ka nwina; nza mu nyika a kurula ka mina; a nzi mu nyiki kota lezi gi nyikisako zona tiko. A timbilu ta nwina ngha ti nga karateki, hambu ni ku chava. Fil. 4:7; Kol. 3:15

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Va le Efesusi 3:16

nzi kombela lezaku a fela ku mu nyika hi kutala ka wukosi gakwe, lezaku mu tiyiswa hi ntamu munhwini wa lomu nzeni hi Moya wakwe, Rom. 7:22; Fil. 4:19; Kol. 1:11

Tisimu 138:3

A siku legi nzi nga rila, u nzi hlamule; U nzi tiyisile, a muhefemulo wa mina wu kuma ntamu.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Tisimu 72:3

A zitsunga zi ta neha kurula vanhwini, Ni miganga kambe hi kota ya kululama. Isa. 2:4; 9:6

Va le Efesusi 2:17

I lo ta kanela kurula ka nwina lava mu nga hi kule, ni kurula ka lava va nga hi kusuhani. Isa. 57:19; Zak. 9:10

Tisimu 85:8

Nzi tazwa lezi Jehova Nungungulu a to zi wula, Hakuva i ta wulawula kurula ka tiko gakwe ni ka vabasileko vakwe; Kanilezi ngha va nga ha tlheli wupumbyini.

Tisimu 84:7

A ntamu wabye wo enzelekelana, Vona vontlhe va woneka mahlweni ka Nungungulu le Zioni.

Kuvululelwa 1:4

Johani a rungula a mabandla ya ntlhanu ni mambiri ma nga le Asia, aku: A tipswalo ni kurula a zive na nwina zi tako hi ka yena Loyi a nga kona, Loyi a nga hi kona, Loyi a ta ngata, ni ka mimoya ya ntlhanu ni mimbiri leyi yi nga mahlweni ka xitshamu xakwe xa wuhosi; Ekso. 3:14; Zak. 3:9; Joh. 1:1

Tisimu 85:10

A wuxinji ni kutsumbeka zi tlhangene kona, A kululama ni kurula zi pswopswene.

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Tisimu 72:7

A masikwini yakwe a wakululama i ta hluka; Ni kurula ku ta anza, kala a hweti yi ngave kona. Lu. 2:14

Isaya 26:12

Jehova, u ta vanga kurula xikari ka hina, Hakuva a mitiro ya hina yontlhe hi wena u yi mahileko.