Tisimu 27:14 - Tshwa Bible

¹⁴ Rinzela Jehova, uva ni ntamu, A mbilu ya wena a yi tiye, Ina, rinzela Jehova!

Tisimu 27:14 Referans Kwoze

Isaya 40:31

Kanilezi lava va lavelelako Jehova va ta kuma ntamu muswa, Va ta puruma ku fanana ni magama, Va ta tsutsuma va nga karali, Va ta famba va nga rereki.

Tisimu 31:24

Tiyani, mu tiyisa timbilu, Nwina nwentlhe mu langutelako Jehova.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Tisimu 130:5

Nza rinzela Jehova, muhefemulo wa mina wu rinzele; Nza tsumba mhaka yakwe.

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

Tisimu 62:5

Muhefemulo wa mina, langutela Nungungulu yece, Hakuva a kutsumba ka mina kuta hi ka yena.

Va le Kolosi 1:11

Ngha mu tiyiswa matlhelweni wontihe, khwatsi hi ntamu wakwe wa hombe, a kuva mu hi ni kutiyisela kontlhe ni kutimisela zinwe ni kutsaka, Miti. 5:41

Tisimu 138:3

A siku legi nzi nga rila, u nzi hlamule; U nzi tiyisile, a muhefemulo wa mina wu kuma ntamu.

Mavingu 20:22

U nga wuli uku: Nzi ta tlhelisela kubiha hi kubiha; sumba Jehova, yena i ta ku ponisa. Deut. 32:35; Rom. 12:19; 1 Tes. 5:15

Tisimu 33:20

A mihefemulo ya hina yi langutele Jehova; Hi yena muvuni wa hina ni xitlhangu xa hina. Deut. 33:29

Va le Roma 8:25

Kanilezi loku hi tsumba lezi hi nga zi woniko, zonake ha zi lavelela hi kuhonisela.

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Tisimu 25:21

Ngha a wunene ni kululama zi nzi lonzowota, Hakuva mina nza ku langutela.

Tisimu 25:3

A ku wiswi tingana ni munwe wa lava va ku langutelako; Va ta wiswa tingana lava va kanganyisako handle ka xigelo.

Genesisi 49:18

Jehova, nzi cuwukele ku tirulwa hi wena!

Luka 2:25

Ku wa hi kona a munhu le Jerusalema, loyi a vito gakwe a nga wa hi Simeoni; i wa lulamile hi kupinyama, na a langutela a kuchavelelwa ka Israeli, ni Moya wa ku Basa wu wa hi ka yena. Isa. 40:1; Mar. 15:43

Isaya 8:17

Nzi ta rinzela Jehova, loyi a fihlelako a yindlu ya Jakobe a nghohe yakwe, nzi ta mu langutela.

Va le Efesusi 3:16

nzi kombela lezaku a fela ku mu nyika hi kutala ka wukosi gakwe, lezaku mu tiyiswa hi ntamu munhwini wa lomu nzeni hi Moya wakwe, Rom. 7:22; Fil. 4:19; Kol. 1:11

Tisimu 62:1

A muhefemulo wa mina wu langutela Nungungulu yece; A kuhanyisa ka mina kuta hi ka yena.

Tisimu 40:1

Nzi rinzele hi lihlaza-mbilu ka Jehova, Yena i kangatele ndleve ka mina, azwa kurila ka mina.

Isaya 26:8

Ina, hi ku langutele a ndleleni ya kulamula ka wena, O Jehova; Hi navela a vito ga wena ni xialakanyiso xa wena.

Luka 2:38

Na ata hi xwalexo xikhati, i lo bonga Nungungulu, a wulawula hi nwanana ka vontlhe lava va nga cuwukela a kutirulwa ka Jerusalema.

Mitiro 28:15

A vamakabye va le Roma, na va zwile ha hina, va lo suka va hi khinga le mutini wa Apiu ni le Mahotela Manharu; laha Paule a nga va wona i lo bonga Nungungulu, a tiyahlana.

Tisimu 37:7

Rutisa mahlweni ka Jehova, u mu rinzela hi lihlaza-mbilu; U nga zangari ha yena loyi a vuvumako ndleleni yakwe, Hi kota ya munhu loyi a humelelako hi makungo yo biha.