Tisimu 27:1 - Tshwa Bible

¹ Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 27:1 Referans Kwoze

Maheberu 13:6

Hikwalaho hi nga wula na hi tiyilehlana, hiku: A Hosi hi muvuni wa mina, nzi nga ta chava; A vanhu va nga nzi mahela yini ke? Tis. 27:1; 56:11, 12

Tisimu 118:6

Jehova i nzi yimela, nzi nga ta chava nchumu; Xana munhu a nga nzi mahela yini? Rom. 8:31; Maheb. 13:6

Eksodusi 15:2

Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Tisimu 62:6

Hi yena yece a nga ribye ga mina ni kuhanyiswa ka mina, I khokhola ga mina, nzi nga ta tsekatsekiswa:

Tisimu 18:28

U maha kandiya ya mina yi hatima, Jehova, Nungungulu wa mina, i nzi woningela munyameni wa mina.

Joba 29:3

A xikhatini lexo a kandiya yakwe yi nga wa woninga hehla ka hloko ya mina, Laha a kuwonekela kakwe ku nga nzi rangela nzi tsemakanya munyama!

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Tisimu 118:21

Nza ku bonga hakuva u nzi zwile, U nzi hanyisa.

Tisimu 19:14

A timhaka ta nomu wa mina, Ni maalakanyo ya mbilu ya mina, A zi amukeleko mahlweni ka wena, Jehova, a ribye ga mina ni mutiruli wa mina.

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20

Tisimu 62:2

Hi yena yece a nga ribye ga mina ni kuhanyiswa ka mina; I khokhola ga mina, nzi nga ta tsekatsekiswa nguvu.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Isaya 2:5

Yindlu ya Jakobe, ngonani hi famba kuwonekeleni ka Jehova!

Tisimu 18:46

Jehova wa hanya! A gi dumiswe a ribye ga mina! Ngha a kuliswe a Nungungulu wa kuhanyiswa ka mina!

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Johani 1:9

A kuwonekela ka zinene, loku ku woningako vanhu vontlhe, ku wa kari kuta misaveni. Isa. 49:6

Kuvululelwa 7:10

va kanyuluka hi gezu ga hombe, vaku: A kuhanyisa ku lumba Nungungulu wa hina loyi a tshamileko xitshanwini xa wuhosi ni Yivana. Tis. 3:8; Isa. 43:11; Jer. 3:23

Luka 2:30

Hakuva a mahlo ya mina ma wonile a kuhanyisa ka wena, Isa. 52:10; Xip. 3:6

Tisimu 11:1

Mina nzi chavele ka Jehova. Mu wulisa kuyini ka mina, muku: Chavela xitsungeni xa wena kota xinyanyani?

Tisimu 3:8

A kuhanyisa kuta hi ka Jehova: A xikatekiso xa wena ngha xive hehla ka vanhu va wena. (Sela.) Isa. 43:11

Luka 3:6

Zonake a nyama yontlhe yi ta wona a kuhanyisa ka Nungungulu. Tis. 98:2; Isa. 52:10; Xip. 2:10

Mateu 8:26

Yena aku kabye: Nwina va kukholwa ku tsongwani, hi yini mu chavako? Zonake i lo vuka, a kawuka mheho ni bimbi, ku lova ni malenga ya hombe. Tis. 65:7

Isaya 45:24

Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Tisimu 43:2

Hakuva wena Nungungulu u khokhola ga mina; Hikuyini u nzi hoxileko ke? Hi yini nzi fambako na nzi rila hi kota ya ku tsimbeketwa hi valala ke?

Deuteronome 7:18

U nga va chavi! Alakanya khwatsi lezi Jehova Nungungulu wa wena a zi mahileko ka Faro ni ka vontlhe vaGipite,

Deuteronome 7:21

Wena u nga dzukiswi ha vona, hakuva Jehova Nungungulu wa wena i kona xikari ka wena, i Nungungulu wa hombe, wo tshisa.

Tisimu 18:29

Loku nzi hi na wena nza zi kota ku hlula yimpi; Hi Nungungulu wa mina nzi tlula ligingisi.

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.