A kutsumba a ku wisi tingana, hakuva a liranzo la Nungungulu li chelilwe timbilwini ta hina hi Moya wa ku Basa lowu hi nyikilweko wona. Fil. 1:20; 2 Kor. 1:22; Gal. 4:6; Efe. 1:13
Hakuva a mutsalo wu ngalo: Langutani, nza veka le Zioni a ribye ga magumo, legi gi hlawulilweko, gi dzunzekako; Loyi a kholwako ka gona a nga ta wiswa tingana, Isa. 28:16
A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.
Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13
U ta zi checheta, ni mheho yi ta zi kukuleta, A xipupuri xi zi hangalasa; Kanilezi wena u ta tsakela Jehova, U ti kulisa hi Loyi wa ku Basa wa ka Israeli.
Mu ta wula ka Hezekia a hosi ya ka Juda, muku: U nga khohliswi hi Nungungulu wa wena loyi u mu tsumbako, uku: A Jerusalema gi nga ta nyikelwa mandleni ya hosi ya le Assiria.
Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33
Ngha vaku koyo tingana lava va nzi xanisako, Kanilezi mina ngha nzi nga wiswi tingana; Ngha va rurumela, kanilezi mina nzi nga dzuki nzi rurumela. Va tisele a siku ga khombo, u va tshovetela kumbiri.