Tisimu 23:1 - Tshwa Bible

¹ Jehova hi murisi wa mina, nzi nga ta vumala nchumu. Joh. 10:11; Maheb. 13:20; 1 Ped. 2:25

Tisimu 23:1 Referans Kwoze

Va le Filipi 4:19

A Nungungulu wa mina i ta mu nyika zontlhe lezi mu zi vumalako, khwatsi hi kufuma kakwe ni kungangamela kakwe ka Kristu Jesu. Tis. 23:1; Mav. 8:21; 2 Kor. 9:8

Johani 10:11

Mina nzi murisi nene. A murisi loyi nene i nyikela kuhanya kakwe hi kota ya tiyivu. Isa. 40:11; Ezek. 34:12, 23

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Johani 10:14

Mina nzi murisi nene; nza tiva a tiyivu ta mina, nzi tibyiwa hi tona, 2 Tim. 2:19

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

1 Pedro 2:25

Hakuva mu wa pengile khwatsi hi tiyivu ti lahlekileko; kanilezi makunu mu tlhelele ka Murisi ni Muhlayisi wa mihefemulo ya nwina. Ezek. 34:6; Joh. 10:11, 14, 16

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Mika 5:4

I ta yima a gisa a tlhambi hi ntamu wa Jehova, ni wukulu ga vito ga Jehova a Nungungulu wakwe. Va ta aka hi kurula, hakuva lezo i tava wa hombe kala magemetamusi ya misava.

Tisimu 78:52

I lo humesa vanhu vakwe khwatsi tiyivu, A va rangela lomu xiwuleni kotisa ntlhambi.

Jeremia 31:10

Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.

Tisimu 79:13

Zonake hina vanhu va wena, ni ntlhambi wa wuriselo ga wena, Hi ta ku bonga kala kupinzuka; Hi ta hlawutela a kudumisa ka wena zizukulwaneni zontlhe.

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Tisimu 34:11

Ngonani vanana, mu nzi ingisela; Nzi ta mu gonzisa xichavo xa Jehova.

Ezekieli 34:14

Nzi ta ti gisa wuriselweni gi nene, a ranga gabye gi tava lomu zitsungeni zi tlakukileko za ka Israeli. Lomu ti ta etlela rangeni gi nene, tiga lomu wuriselweni gi nonileko le hehla ka zitsunga za ka Israeli.