Tisimu 18:7 - Tshwa Bible

⁷ A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

Tisimu 18:7 Referans Kwoze

Mitiro 4:31

Laha na va khongele, a wutshamu legi va nga tlhangene ka gona gi lo tsekatsekiswa, vona vontlhe va tatiswa hi Moya wa ku Basa, va kanela a mhaka ya Nungungulu hi kutiya. Xip. 2:2, 4; 16:26

Mateu 28:2

Zonake ku wa hi kona a kutsekatseka ka hombe ka misava, hakuva a ngelosi ya Hosi yi lo relela hi le tilweni, yi ta wumbuluta a ribye, yi tshama hehla ka gona. Lu. 24:4; Joh. 20:12

Jeremia 4:24

Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

Valamuli 5:4

Jehova, laha u nga huma hi le Seire, A kufeni ka wena hi le tikweni ga Edome, A misava yi lo tsekatseka, a matilo ma dona, Ina, a marefu ma lo chulula mati. Ekso. 19:16; Deut. 2:3

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

1 Va le Korinte 13:2

Ni loku, nzi hi ni xinyikiwo xa kuprofeta, nzi tiva mifihlakalo yontlhe ni kutiva kontlhe; hambu nzi hi ni kukholwa kontlhe lezaku nzi kunula ni zitsunga, loku nzi nga hi na liranzo a nzi nchumu. Mat. 7:22; Lu. 17:6

Zakaria 14:4

Hi siku lego i ta yima hi mikonzo yakwe le xitsungeni xa maOliva, kusuhani ni Jerusalema hi tlhelo ga Muhuma-gambo; a xitsunga xa maoliva xi ta avanyeka hi laha xikari, ku sukela tlhelo ga Muhuma-gambo kala Mupela-gambo. Laho ku tava kona a nzhelelo wa hombe, a khihlanya ginwe ga xitsunga gi ta tshinela Nwalungu, a ginwani gi tshinela Dzongeni.

Habakuka 3:10

A zitsunga za ku wona, zi chava; Ku hunza a swinga wa mati. A kueta ku zwata a gezu ga kona, Ku tlakusa a mandla ya kona.

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Tisimu 46:2

Hi kota ya lezo hi nga ta chava hambu loku misava yi hunzulwa, Ni loku zitsunga zi ninginiswa giwa bimbini.

Tisimu 34:16

Kanilezi a nghohe ya Jehova yi ta tsanwa ka lava va mahako kubiha, Kasi ku fuvisa kualakanya kabye laha misaveni.

Tisimu 34:18

Jehova i kusuhi ni lava va tshovekileko timbilu; A hanyisa lava va nga ni moya wu panzekileko. Isa. 57:15; 66:2; Lu. 18:13

Tisimu 39:13

U nga ha nzi cuwukeli, kasi nza tlhela nzi tsaka, Na nzi nga se ku hunza nzi ngavi kona.

Tisimu 40:2

I nzi humesile rinzini ga lufu, Ni lomu maropeni ya phiriwa; I yimisile a mikonzo ya mina le ribyeni, I tiyisile kufamba ka mina.