Tisimu 16:7 - Tshwa Bible

⁷ Nzi ta bonga Jehova, hakuva wa nzi nyika wusungukati, Ina, a mbilu ya mina ya nzi luleka ni laha wusikwini.

Tisimu 16:7 Referans Kwoze

Tisimu 73:24

U ta nzi rangela hi wusungukati ga wena, Zonake u nzi amukela wukosini ga wena.

Isaya 50:4

Hosi Jehova i nzi nyikile a lirimi la mupizani, Kasi nzi ta zi kota ku tangalisa loyi a kareleko; Gica ni mixo a! vuxa a ndleve ya mina, A yi vuxa lezaku nzi ingisa kota mupizani.

Tisimu 77:6

Nzi khumbula a lisimu la mina ni wusiku, Nzi wulawula ni mbilu ya mina. Ni moya wa mina wu alakanyela.

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 63:6

Loku nzi ku alakanya na nzi hi sangweni ga mina, Nzi khumbula wena zikhatini za wusiku.

Tisimu 42:8

Laha hlikanhini Jehova i wa lelela a wuxinji gakwe ha mina, Ni laha wusikwini nzi wa kari nzi yimbelela ha yena, Nzi kombela ka Nungungulu wa wutomi ga mina.

Isaya 48:17

Jehova a Mutiruli wa wena, Loyi a Basileko wa ka Israeli, I ngalo: Hi mina Jehova, Nungungulu wa wena, Loyi a ku gonzisako lezi zi ku vunako, Loyi a ku rangelako ndleleni leyi u faneleko ku famba ha yona.

Isaya 26:9

A muhefemulo wa mina wu ku xuvile ni wusiku, A moya wu nga nzeni ka mina wu hlotisisa wena; Hakuva loku u tsayisa misava kulamuleni ka wena, A vaaki va yona va gonza kululama.

Mavingu 8:14

A wusungukati ni makungo ma nene zi kumeka ka mina, i mina kupimisisa, nzi na ni ntamu.

Tisimu 119:55

Jehova, nzi alakanya a vito ga wena laha wusikwini, Nzi hlayisa a nayo wa wena.

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Luka 6:12

Ku te hi ka lawo masiku, aya xitsungeni a ku ya khongela; i lo simamisa wusiku gontlhe a khongela ka Nungungulu. Mat. 14:23

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

Tisimu 119:7

Nzi ta ku bonga hi mbilu yi basileko, Laha na nzi gonza a zilayelo za wena zi lulamileko.

Tisimu 119:148

A mahlo ya mina ma rangela kurinza ka wusiku, Lezaku nzi ehleketa a mhaka ya wena.

Tisimu 77:2

Hi siku ga kuxaniseka nzi lo lava Hosi, Nzi lo nawuluta a woko ga mina ni wusiku, nzi nga karali; A muhefemulo wa mina wu lo ala ku tangaliswa.

Tisimu 22:2

Nungungulu wa mina, nza rila ni hlikanhi kanilezi a ku hlamuli; Ni laha wusikwini kambe a nzi kumi kurula.

Jeremia 12:2

Wena u va byalile, va zimile mitsu; Va kula, va phandlula mihanzu. Wena u kusuhi ni milomu ya bye, Kanilezi u le kule ni timbilu tabye.

Tisimu 73:21

Laha a mbilu ya mina yi nga karateka, Nzi tlhabyiwa tisweni ta mina,