Tisimu 16:3 - Tshwa Bible

³ A vakubasa lava va nga laha misaveni, Hi vona nzi va hlayako vahombe, nzi xalalako ha vona.

Tisimu 16:3 Referans Kwoze

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3

Mavingu 13:20

Hlengela ni tlhari, u tava tlhariwo; anilezi loyi a mahako wunghana ni zipumbu i ta lobyiswa.

Mavingu 12:26

Loyi a lulamileko i rangela muakelane wakwe; anilezi a ndlela ya va kubiha ya va lovisa.

2 Kronekele 6:41

Makunu Jehova Nungungulu, Suka uta laha wutshanwini ga wena ga kuhumula, wena ni arke ga ntamu wa wena! Jehova Nungungulu, ngha vapristi va wena va fenengetiwa hi kuhanyiswa, ni lava va ku ranzako ngha va tsakela a wunene ga wena. Mitse. 10:35; Tis. 132:8

Mitiro 9:13

Kanilezi Ananiasi i lo hlamula, aku: Hosi, nzi zwile hi vanyingi hi munhu loyi, hi kubiha kontlhe loku a ku maheleko a vakubasa va wena le Jerusalema;

Malaki 3:17

Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Isaya 62:4

U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.

Mavingu 8:31

Nzi lo hlakana lomu ku nga ni wuakelo, zi tsaka zinwe ni vana va vanhu.

Tisimu 119:63

Nzi xaka ga vontlhe lava va ku chavako; Ni lava va hlayisako zileletelo za wena.

Tisimu 116:15

Ku na ni lisima mahlweni ka Jehova A kufa ka vakubasa vakwe.

Tisimu 101:6

A mahlo ya mina ma cuwuka a vakholekileko lomu tikweni, Lezaku va ta tshama zinwe na mina. Loyi a fambako hi ndlela yi mbheleleko i ta nzi tirela.

Tisimu 30:4

Khesani Jehova hi tisimu, nwina vobasa vakwe; Mu bonga a vito gakwe ga kubasa.

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

Va le Efesusi 1:1

Paule, a mupostoli hi kuranza ka Nungungulu, nza rungula a vobasa lava va nga le Efesusi, lava va tsumbekileko ka Kristu Jesu, nziku: Kol. 1:2

Va le Galatia 6:10

Hikwalaho kota lezi hi nga ni xikhati, a hi tireni lezi zi nene ka vanhu vontlhe, nguvunguvu ka va le ngangweni wa kukholwa. Joh. 9:4; Efe. 2:19; 1 Tim. 6:18

Xizimba xa ka Solomoni 7:10

Nzi wa muranziwa wa mina, Ni kuxuva kakwe ku nzi kongoma.

Tisimu 122:8

Hi kota ya vamakabye ni vanghana va mina Nzi taku: A kurula a kuve na wena.