Tisimu 16:10 - Tshwa Bible

¹⁰ Hakuva u nga ta tsika a muhefemulo wa mina le Xeole; Ge hambu ku tsika a wakubasa wa wena a wona kubola. Miti. 2:27; 13:35

Tisimu 16:10 Referans Kwoze

Tisimu 49:15

Kanilezi Nungungulu i ta tirula muhefemulo wa mina ntanwini wa Xeole, Hakuva i ta nzi amukela. (Sela.)

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9

Kuvululelwa 20:13

A bimbi gi lo humesa a vafileko lava va nga hi ka gona, a lifu ni wutshamu ga vafileko zi lo humesa lava va nga hi ka zona; zonake munwe ni munwani i lo lamulwa hi mitiro yakwe. Xip. 6:8

Luka 16:23

Na hi le Hayidesi le kuxanisekeni, i lo tlakusa mahlo yakwe, a wona Abrahama na hi le kule, na Lazaru a hi xifuveni xakwe.

Luka 1:35

A ngelosi yi lo hlamula yiku ka yena: A Moya wa ku Basa wu tata hehla ka wena, ni ntamu wa loyi a nga Hehla-Hehla wu ta ku fenengeta; hikwalaho a nʼwana wo basa loyi a ta nga belekiwa i ta vitanwa a Nʼwana wa Nungungulu. Mat. 1:20; Joh. 1:34; Rom. 1:4

Isaya 14:9

A Xeoli lahasi xi ni nghitsinghitsi ya ku tlhangana na wena, Xi ku vuxela a vafileko ni vahombe vontlhe va misava; Xi mahile tontlhe tihosi ta matiko ti suka xitshanwini za tona za wuhosi.

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

1 Va le Korinte 15:42

Zi tava nghaho a kuvukeni ka vafileko: a miri lowu wu nga byalwa hi kubola wu ta vuka hi kungaboliko; Dan. 12:3; Mat. 13:43

Mitsengo 6:6

Ka wontihe masiku lawa a ti hlawuleleko Jehova akuva munazira, a nga dzuki a tshinelela xirumbi;

Levi 19:28

Mu nga ti tlhaveli tihlanga lomu mirini hi kota ya vafileko, hambu ni ku tlhavela madaranganya mimirini ya nwina. Hi mina Jehova.

Luka 4:34

Hiye! I mhaka muni hi nga nayo na wena, wena Jesu wa le Nazareta ke? U tele ku ta hi lovisa ke? Nza ku tiva lezaku hi wena mani, u Loyi wa ku Basa wa Nungungulu. Xip. 1:35

Amosi 9:2

Hambu loku va hoxa va enghena Xeole, lomo na konawu nzi ta va humesa; hambu loku va nga kanziha vaya tilweni, kwaleyo kambe nzi ta va releta lahasi.

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Isaya 5:14

Hikwalaho Xeole xi kulisile kunavela ka xona, Xi ahlamisile a nomu wa xona ku hunza mpimo, A vahombe va Jerusalema va ta relela kona, zinwe ni zidlemo zi mahako guwa, Ni vontlhe lava va tsakako kona.

Mavingu 27:20

A Xeole ni Abaddoni cima a zi xuri, inghaho ni mahlo ya munhu cima a ma eneliswi.

Mavingu 15:11

A Xeole ni Abaddoni zi le kuwoneni ka Jehova; guvunguvu a timbilu ta vana va vanhu. Joba 26:6; Maheb. 4:13

Tisimu 139:8

Loku nzi kanziha tilweni, laho u kona, Ni loku nzi etlela Xeole, u kona lomo kambe. Joba 22:12; 26:6; Am. 9:2

Tisimu 9:17

A vakubiha va ta tlhelela Xeole, Vontlhe a vamatiko va rivalako Nungungulu,

Joba 11:8

Ku tlakukile ku fanana ni tilo; u ta maha yini? Ku etile ku hunza Xeole; u nga tiva yini wena ke? Efe. 3:18