Tisimu 14:1 - Tshwa Bible

¹ A phuphulu gi wula mbilwini ya gona, giku: A ku kona Nungungulu. Vona va bolile, va maha mitiro yo nyenyeza; A ku kona loyi a mahako kusaseka. Rom. 3:10-12; Gen. 6:5, 11, 12; Tis. 74:18, 22

Tisimu 14:1 Referans Kwoze

Tisimu 10:4

Hi matshanza yakwe a wakubiha aku: A nga zi khataleli. Na alakanya ku ngalo: A ku kona Nungungulu.

Tisimu 53:1

A phuphulu gi wula mbilwini ya gona, giku: A ku kona Nungungulu. Vona va bolile, va maha mitiro yo nyenyeza; A ku kona loyi a mahako kusaseka.

Tisimu 92:6

A xipumbu a xi zi tivi, Hambu wa lihlanyi a nga pimi a zakunghahi.

Genesisi 6:5

Nungungulu i lo wona kuonha ka vanhu lezaku ku kulile laha misaveni, ni lezaku a mixuvo ya timbilu tabye yi bihile masiku wontihe.

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Luka 12:20

Kanilezi Nungungulu aku ngalo kakwe: Phuphulu nzi wena, a wusiku legi a muhefemulo wa wena wu ta vitaniwa wu suka ka wena, zonake a zilo lezi u zi veketeleko zi ta lumba mani ke? Joba 20:22; Tis. 52:7; Jak. 4:14

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

Titusi 3:3

Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.

Va le Efesusi 2:12

Alakanyani lezaku hi ka xikhati lexo mu wa hi kule na Kristu, mu wa hi handle ka wusumbulwa ga vaIsraeli, mu wa nga hi na xiavelo ka xivumelwano za xitsumbiso, na mu nga hi na kutsumba, mu nga hi na Nungungulu misaveni. Joh. 10:16; Rom. 9:4, 8; Kol. 1:21; 1 Tes. 4:13

Mavingu 27:22

Hambu loku u wa ta kanza a xipumbu lomu churini, kanza hi musi u patsa ni mavele lawa ma gayiwako, ima a wupumbu gakwe gi nga ta huma.

Mavingu 1:22

Nwina zipumbu, ku ta kala kuva rini na ma ha ranza wupumbu ke? vatseketseli va ta xalaliswa hi kutseketsela, i zipumbu zi ta venga wutivi kala rini ke?

Joba 22:13

Na uku: Nungungulu i tiva yini? Wa zi kota ku phondlisa munyama a lamula mhaka ke?

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Titusi 1:16

Va wula lezaku va mu tiva Nungungulu, kanilezi va mu kaneta hi mitiro yabye; mbanhu va manyala, ni va nga ingisiko, a va vuni nchumu mitirweni yontlhe yo saseka. Ezek. 33:31; Rom. 1:28

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Tisimu 107:17

Zipumbu hi kota ya zihambunyeto zabye, Va lo xanisiwa hi kota ya zigoho zabye.

Joba 15:16

I ta tsumbisa kuyini a munhu wa kubiha ko hunzeleta, Loyi a nwako kuonha kukotisa a mati?

1 Samueli 25:25

Hosi yanga, u nga dzuki u khatalela loyi wa kubiha, a nga Nabali, khwatsi hi lezi gi nga lezo a vito gakwe, kunene hi Nabali hi zalezo a nga zona, ni wupumbu gi na yena. Kasike mina nanza ga wena a nzi ma wonangi a majaha lawo u ma rumileko.

Mavingu 13:19

A mixuvo leyi yi tatisekako yi tsakisa muhefemulo; anilezi a ku huma kubiheni za nyenyeka ka zipumbu.

Tisimu 73:3

Hakuva nzi wa hi ni xiluse hi lava va matshanza, Loku nzi wona a kuvuvuma ka vakubiha. Joba 21:7; Jer. 12:1

Mutshawuteli 7:20

Hakuva a nga kona munhu a lulamileko misaveni, loyi a mahako kusaseka, a nga onhi nchumu.

Jeremia 5:12

Va kanetile Jehova, vaku: A hi yena. Cima ku nga tawa khombo hehla ka hina; hambu supado ni ndlala hi nga ta zi wona. Deut. 29:19; Isa. 28:15

Jeremia 6:28

Vona vontlhe vahluwuki ni lava va ti alisako, va famba-famba va lumbeta; va nonohile ku fanana ni suku ni xiketse; vontlhe va bihile.