Tisimu 122:1 - Tshwa Bible

¹ Nzi lo tsaka laha va ngaku ngalo ka mina: A hi yeni ndlwini ya Jehova.

Tisimu 122:1 Referans Kwoze

Tisimu 84:10

Hakuva a ku tshama siku ginwe ndlwini ya wena Ku sasekile ku hunza ku tshama khume ga mazana lahandle. Nza ranza a kuva nzi hi muhlayisi wa livati lomu ndlwini ya Nungungulu wa mina, Ku hunza a ku tshama matendeni ya vakubiha.

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Isaya 2:3

A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Tisimu 134:1

Khesani Jehova, nwina nwentlhe malanza ya Jehova, Nwina lava mu yimako ndlwini ya Jehova ni wusiku. Ekso. 27:21; Levi 8:35; 1 Kro. 9:33

Tisimu 120:1

Nzi loba huwa ka Jehova kuxani sekeni ka mina, Yena i lo nzi hlamula.

Tisimu 128:1

Va katekile vontlhe lava va chavako Jehova, Va fambako tindleleni takwe.

Tisimu 121:1

Nzi tlakusela mahlo ya mina zitsungeni, Kuta hi kwihi a kuvunetela ka mina ke?

Tisimu 123:1

Nza tlakusa mahlo ya mina ka wena, Wena loyi u tshamako matilweni.

Tisimu 55:14

Hina lava hi nga xuxa zinwe hi kuzwanana, Hi famba zinwe na xidlemo ndlwini ya Nungungulu.

Jeremia 31:6

Hakuva ku ta chikela a siku legi a varinzeli va le migangeni ya Efraime va to vitana ha gona, vaku: Sukani, a hi yeni Zioni ka Jehova, Nungungulu wa hina.

Tisimu 133:1

Hi nga wonani kutsakisa ka zona, Loku maxaka ma hanya khatiginwe hi kuzwanana.

Tisimu 131:1

Jehova, a mbilu ya mina a yi kukumukangi, Ge ni mahlo ya mina, a ma tlakukangi; A nzi yangi timhakeni ta hombe, Leti ti nzi hlulako hi wukulu ga tona.

Tisimu 130:1

Jehova, nziba huwa ka wena na nzi hi lomu kueteni lahasi.

Tisimu 127:1

Loku Jehova a nga aki yindlu, Va tirela mahala lava va yi akako; Loku Jehova a nga hlayisi muti, A varinzeli va lavelela mahala. 1 Kor. 3:7

Tisimu 125:1

Lava va tsumbako Jehova Va fanana ni xitsunga xa Zioni, lexi xi nga tsekatsekiswiko, Lexi xi tiyileko kala kupinzuka.

Tisimu 124:1

Loku Jehova a wa nga hi tlhelweni ga hina, Israeli a wule lezo:

Tisimu 119:111

A zikhumbuxeto za wena zi mahile tshomba ya mina kala kupinzuka, Hakuva zi tsakisa a mbilu ya mina.

Tisimu 129:1

Va nzi hlokisile nguvu kusukela wusweni ga mina; Ngha Israeli a wula makunu, aku:

Tisimu 126:1

Laha Jehova a nga wuyisa a vakhonwiwa va Zioni, Hi waku khwatsi hi lava va lorako.

Tisimu 42:4

A muhefemulo wa mina wu rila laha na nzi alakanya Lezaku nzi wa fambisa kuyini ni zidlemo, Nzi zi rangela ndlwini ya Nungungulu Hi magezu ya litsako zinwe ni kudumisa; A xidlemo xi gongako a siku ga ximuse.

Tisimu 132:1

Jehova, alakanya Davida, Ni hlomulo wakwe wontihe.

Tisimu 26:8

Jehova, nza ranza a wuakelo ga yindlu ya wena, Ni wutshamu legi gi nga ni kungangamela ka wena. Ekso. 40:34

Ezekieli 46:10

A hosana yi ta enghena zinwe navo, ni loku va huma, yi ta hunna navo.