Tisimu 12:3 - Tshwa Bible

³ Jehova a hetise a milomu yi wulawulako mahlenga, Ni lirimi leli li wulawulako matshanza.

Tisimu 12:3 Referans Kwoze

Mavingu 18:21

A kufa ni kuhanya ku le ntanwini wa lirimi; i lava va li ranzako va taga a mbhanzo wa lona.

Kuvululelwa 13:5

Xi lo nyikiwa a nomu wa ku wulawula a timhaka ta hombe ni tihlamba; xi nyikiwa ni ntamu wa ku tira a 42 wa tihweti. Dan. 11:36

Danieli 7:8

Na nzi cuwuka timhonzo leto, nzi lo wona linwani la li tsongwani na li huma xikari ka leti tinwani, zonake li kunula a timhonzo tinharu leʼto ranga. A limhonzo leto li wa hi ni mahlo ya munhu, ni nomu wu nga wulawula magezu ya matshanza.

Tisimu 17:10

Va nonohisa a timbilu tabye, Va wulawula matshanza hi milomu yabye.

Juda 1:16

Lava hi vona va kalalako ni ku monya, lava va fambako kumbilukeleni kabye, a milomu yabye yi wulawula wukhuxu, va hlawula vanhu hi kota ya bhinzu. 2 Ped. 2:18

2 Pedro 2:18

Hakuva hi ku wulawula a timhaka ta matshanza leti ti nga nyawuliko, va xengetela hi kunavela ka nyama ni wubhayi, a vanhu lava va ha ponako ka lava va hanyako kuhambukeni; Miti. 2:40; Juda 16

Malaki 3:13

A magezu ya nwina ma wa nzi vukela hi ntamu, ku wula Jehova. Kanilezi mu ngalo: Zini hi zi wulileko zo vukela wena?

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Ezekieli 29:3

Kanela uku: Hosi Jehova i ngalo: Nzi yimekelene na wena Faro, hosi ya le Gipite, drako ga hombe gi etlelako lomu xikari ka micongo ya gona, gi nge ngalo: Lowu congo ngwa mina, nzi ti mahele wutsumbu ganga.

Ezekieli 28:9

Xana u ta wula ka loyi a ta nga ku tlhava, uku: Nzi nungungulu? kasi lezo a ku nungungulu, kanilezi u munhu a canjeni ga loyi a ku khuvazako.

Ezekieli 28:2

Nʼwana wa munhu, byela a hosana ya Tire, uku: Hosi Jehova i ngalo: Hakuva a mbilu ya wena yi ti tlakusile, u wuya uku: Mina nzi nungungulu, nzi tshamile xitshanwini xa nungungulu xikari ka mabimbi; kasilezo u munhu, a ku nungungulu, hambu lezi u yimisileko a mbilu ya wena ku fanana ni mbilu ya nungungulu. Isa. 31:3; Dan. 5:20; Miti. 12:22

1 Samueli 2:3

Mu nga ha engeti mu wulawula hi matshanza, Ni wuxezi gi nga ha humi nonwini wa nwina; Hakuva Jehova i Nungungulu loyi a tivako zontlhe. Hi yena loyi a ringanyisako zimaho za vanhu.

Eksodusi 15:9

A nala ite: Nzi ta tsutsumisa, nzi khoma, nzi phanga. A muhefemulo wa mina wu ta xuriswa ha vona; Nzi ta hlomula a tlhari ga mina, nzi va daya.

Isaya 10:10

Khwatsi hilezi a canja ga mina gi tekileko a mifumo ya zifananiso, Lezi zi hunzako a zifananiso za Jerusalema ni Samaria,

Joba 32:22

Hakuva a nzi zi tivi ku dzumeleta hava, Ku nga taku a Mumahi wa mina a hatlisa a nzi susa.

Tisimu 55:22

Rula a nzhwalo wa wena ka Jehova, i ta ku seketela, Cima a nga ta vumela loyi a lulamileko a ku tsekatsekiswa. Mat. 6:25; Lu. 12:22; 1 Ped. 5:7

Tisimu 116:11

Nzi wula mahikeni ya mina, nziku: Vontlhe vanhu mbahembi. Rom. 3:4

Tisimu 140:12

Nza tiva lezaku Jehova i ta lamulela lava va hlokiswako, Ni ku lulamisa a mhaka ya lava va vumalako.

Mavingu 26:24

Loyi a vengako wa kanganyisa hi milomu yakwe, mbilwini yakwe i alakanyela kukhohlisa;

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Jeremia 9:8

A lirimi labye i seve wu dayako, Li wulawula kukhohlisa. Hi nomu wakwe munhu i wulawula a kurula ni muakelwani, Kanilezi mbilwini yakwe wa mu xiyelela.

Jeremia 12:6

Hakuva na vona vanakuloni ni yindlu ya raru wa wena va ku khohlisile; Va ku kulumela. U nga va kholwi hambu loku vo wulawula a magezu yo saseka.