72 A nayo wa nomu wa wena wucukwana Ku hunza makume ya mazana ya zipanze za nzalama ni siliva.
Zi na ni lisima ku hunza nzalama, ina, a ku hunza nzalama yo tala yi hlutilweko, Zi tsombela ku hunza wulombe, ni madona ya zihahla za gona.
Nza ranza zileletelo za wena ku hunza nzalama, Ku hunza nzalama yi basileko.
A ku kuma wutlhari i chuko ku hunza nzalama; i ku kuma kupimisisa ku hunza siliva.
Nza tsakela kuwula ka wena, Khwatsi hi munhu a kumako muphango wa hombe.
A mbhanzo wa mina wu hunza nzalama, ina, a nzalama leyi yi hlutilweko, i bhinzu gi humako hi ka mina gi nene ku hunza siliva.
A zikhumbuxeto za wena zi mahile tshomba ya mina kala kupinzuka, Hakuva zi tsakisa a mbilu ya mina.
Nza tsaka hi ndlela ya wumboni ga wena Kukotisa loku nzi hi ni titshomba tontlhe.
A nanza ga wena ga lulekwa ha zona; Loyi a zi hlayisako i na ni nchachazelo wa hombe. Levi 18:5; Joh. 14:21, 23; 1 Tim. 4:8
I katekile munhu loyi a kumako wutlhari, i loyi a kumako kupimisisa.
A wutlhari gi nene ku fanana ni tshomba; gi hunza ni tshomba ka lava va wonako gambo.