Tisimu 119:4 - Tshwa Bible

⁴ U hi nyikile zileletelo za wena, Lezaku hi zi hlayisa hi kupinyama.

Tisimu 119:4 Referans Kwoze

1 Johani 5:3

Hakuva a ku mu ranza Nungungulu hi ku hlayisa milayo yakwe; ni milayo yakwe a yi karati. Mika 6:8; Joh. 14:15, 21, 23

Johani 14:21

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena. Mavesi 15, 23; 1 Joh. 5:3

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Johani 14:15

Loku mu nzi ranza, mu ta hlayisa milayo ya mina. 1 Joh. 5:3

Deuteronome 12:32

Zontlhe lezi nzi mu leleteleko mu ta zi hlayisa, mu zi maha. Mu nga engeteli nchumu, ge ni ku hungula nchumu.

Joxua 1:7

Ntsena tiyisa mbilu, uva ni ntamu, u chivirika ku lanzela milayo yontlhe leyi Mosi a nanza ga mina a ku leleteleko; u nga hambuki ka yona uya xineneni, hambu xibhabheni, kasi wa fela ku humelela ka zontlhe lezi u ta nga zi maha.

Deuteronome 30:16

lezi nzi ku leletelako nyamutlha a ku ranza Jehova Nungungulu wa wena, ni ku famba hi tindlela takwe, ni ku hlayisa milayo yakwe, ni timhaka takwe, ni zileletelo zakwe, kasi wena wa fela ku hanya ni ku anza, kasi Jehova Nungungulu wa wena i ta ku katekisa ka tiko legi u yako ku ya gi fumela.

Deuteronome 11:22

Hakuva loku mu hlayisa khwatsi yontlhe milayo leyi nzi mu leletelako yona mu famba ha yona; mu ranza Jehova Nungungulu wa nwina, mu famba hi tontlhe tindlela takwe, na mu namerele ka yena,

Deuteronome 6:17

Kanilezi mu ta hlayisa khwatsi a milayo ya Jehova Nungungulu wa nwina, ni wukustumunyu gakwe, ni zileletelo zakwe lezi a mu leleteleko zona.

Deuteronome 4:1

Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

Deuteronome 11:13

Loku nwina mu ingisa khwatsi a milayo ya mina leyi nzi mu leletelako inyamutlha, mu ranza Jehova Nungungulu wa nwina, mu mu khozela hi timbilu tontlhe ta nwina, ni mihefemulo yontlhe ya nwina,

Deuteronome 4:9

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena Ekso. 19:17; Deut. 6:7

Eksodusi 7:6

Mosi na Aroni va lo maha lezo. Va maha kota lezi Jehova a va leleteleko.

Deuteronome 6:3

Zwana, O Israeli! u chivirika a ku maha lezi zilo, kasi wa tshameka, mu anza nguvu lomu tikweni legi gi khulungako masi ni wulombe, kota lezi Jehova Nungungulu wa vararu va wena a ku byelileko.

Ezra 7:21

Mina hosi Artaxerxesi, nzi leletela nwina nwentlhe mu nga le tlhatuko wa congo, nwina lava mu hlayisako a wukosi ga mina, lezaku mu hatlisa mu maha zontlhe lezi Ezra, mupristi ni mutsali wa milayo ya Nungungulu wa le tilweni, a ta nga zi kombela ka nwina.

Ezekieli 20:19

Hi mina Jehova a Nungungulu wa nwina; fambani hi milayo ya mina, mu hlayisa a zileletelo za mina mu zi maha.